Pi Aung San Suh Kyi cu nihin ရံုးခ်ိန္း September 14.9 2021 ah tazacuainak zungah a chuak kho tiah theih a si. Zahan kha zung ah cun president U Win Myint he chuah ding an si nain a dam lo i a thut khawh lo caah a kal kho lo. Nihin ah zung ah chuak than dingin an aunh caah nihin a chuak nak hi a si.
Zung a chuaknak kong le zeitin dah an cawlcangh timi cu theih ding a um rih lo zungah an chuahpi cang titiang lawng a thawngpang theih khawh a si rih. A tha lei nak in a chia lei deuh a si ko lai tiah mi tampi nih cun an zumh deuh a ruang cu SAC ralkap nih tinhmi neih in an tlaih mi a si caah fawitein mah an buaipi nak hi a fel kho lai lo tiah a chimtu an tam ngai.
Relchap:US ram New York khuapi ah tuahmi NUG cohlannak le thapeknak langhternak ah U Kyaw Moe Tun nih “vawleicung ramkip ah ralhrangbu nih palai an ngeih awk hrimhrim a si lo” a chim.
Thaizing, Sept 14 ah UN Meeting pi cu tuah a si cang lai. Cu meeting ah cun UN chungtel ram cohlannak zohfeltu committee (Credential Committee) nih Myanmar aiawhtu cozah ah SAC maw kan cohlan lai, NUG dah timi an ceih lai.
NUG nih UN palai cash U Kyaw Moe Tun cu an thlah i ralhrangbu nih Wahshoington DC i Myanmar military embassador Aung Thurein cu an chuahpi ve. U Kyaw Moe Tun nih cun “UN i Credential Committee nih ralhrang thlahmi palai hi an cohlang hrimhrim lai tiah ka chim ngam. Mipi hna aiawtu dingin a ka dirkamhtu nan dihlak cungah kaa lawn” tiah RFA ah a chim.
Cu lawng si loin ralhrang khongton uknak a dih zau nakhnga kan zate lungrual in kan tuan rih a herh tiah a chim fawn. Sept 12, New York khuapi i NUG cohlan langhternak ah New York, Washington, Maryland, Massachuset, Indiana le state dang in Myanmar mi tampi an i tel kho tiah theih a si.
UN nih Myanmar ram aiawtu cozah ah NUG a cohlan khawh nakhnga le U Kyaw Moe Tun cu UN ah NUG cozah palai ah chiah dingin ramhcung ramleng Myanmar mi le thiamsang tampi nih duhnak an langhter.TCP
Leave a Reply