Phyuphyu: Nawlngeihnak Um Tung Loin Zeitindah Judge Na Tuan Huam

Phyu Phyu Kyaw Thein: Mi nih nawlngeihnak na ngeih tung lo ah zeitindah judge na tuan huam an kan ti tawn.

Myanmar Idol season 4 ahhin judge ( dan ) pakhat a simi Phyuphyu Kyaw Thein nihcun tihin a chim. Mi nihhin Myanmar Idol season 4 ah judge nih biakhiahnak nawl nan ngeih tung lo ah zeitindah na tuan huam tiah an ka hal theu tawn.

Ka lehmi hna cu ” mah tluk in mino tete hmailei ah Kawlram Arfi a si te ding mi hna hlasak thiam lak ahhin ka tuan huam ko” tiah ka leh tawn hna tiah a chim.

Myanmar Idol season 4 cu a hlan bantuk a si ti lo. A tu cu Judge nih nawlngeihnak mark 50% lawng an ngeih i mipi nih 50% an ngeih ve. Cu ruangah judge pawl hna duhnak lawng in biakhiah khawh a si ti lo.

Aung Ka Lat nih voikhat a rak chim bal cang. Kanmah judge lei nihcun full mark kan in pek dih ko hna. A dang a tangmi kha mipi vote a si caah kanmah nih biakhiahnak nawl kan ngei lo, zeitiawk tha dah tha tiah a rak chim bal ve.

A tu Myanmar Idol season 4 ah Grand final kan phan cang. Chinmi chung in Benjamin Sum le Esther, Kawl miphun in Aye Myat Phyu an si hna. Mah hna pathum ahhin vote pek khawhnak can zong an onnak a sau ngai cang. Mipi vote tambik a ngah tu poh nih winner an ngah te lai.

 

 281 total views,  2 views today

This function has been disabled for Chin 11 News.