Phyu Phyu Kyaw Thein Nih Benjamin Sum Cu Leiba A Cawh Ko Cang Hih

Tulio Chin mi chung in kan I uar taktak mi le kan I zohthla taktak mi Benjamin Sum hi Chin mi nih cun kan arfi a si hrim ko. Hlasak a thiam ning le a aw that tuk ning hi Chin mi chung lawnghmanh si loin Kawlram chung senor singer pawl hna hmanh nih an uar tuk hringhran mi a si.

Benjamin Sum hi nizan ah “Tonthan lai Ni”  “ျပန္ေတြ႕မယ့္ရက္”  ti mi hla thar a sak mi nih Kawlram mipi cu khuaruah har in a kan tuah than ko. Cu hla cu Phyu Phyu Kyaw Thein zong nih a rak uar tuk ve hringhran caah a facebook ah a rak post I “Khah! Kata Ben Ben…kan I tonthan ni ah cun ka Facebook ah nah la fakthanh kan tuah piak mi man hi na ka pek than a hau lai hih” tiah Ben Ben  a uar tuk nak cu Phyu Phyu Kyaw Thein nih a rak langhter hi a si.

Phyu Phyu Kyaw Thein hi Benjamin Sum he “Can’t Help Falling in Love with You” ti mi hla zong Cover an rak tuah bal cang. Cun nizan ah a chuak mi Ben Ben hla thar tu cu amah Ben Ben nih dawh taktak in a sak mi a si I Chin ram fingtlang dawhnak zong tampi a langhter chih mi muicuang zong a si.

Phyu Phyu Kyaw Thein nih cun a facebook ah cun “Na aw that ning le nah la a that ning hi uar na um tuk hringhran.  Congratulations, Sum”  tiah zong a rak tial hi a si. Chin arfi Ben Ben cu hlasak thiam minthang Phyu Phyu Kyaw Thein he an I tonthan tikah fakthanh man liam a hau ko cang ne lai hih.

Source : Phyu Phyu Kyaw Thein’s Fb

 211 total views,  1 views today

This function has been disabled for Chin 11 News.