Pha-Kanh Vawlei In Thihnak A Tong Mi Kong Ah General Main Aung Hlaing Nih A Ngaihchiat Nak A Langhter

Kachin ram Pha-Kanh myohne ah vawlei minh ruang ruang i minung tamtuk nunnak a liam mi hna an thawngpang ka theih tikah fakpi in ka ngaihchia i ka lungtha kho hrimhrim lo tiah General Main Aung Hlaing nih cun a chim.

Cun kanmah Tatmadaw lei zong in a tang rih mi caan chung ah mithi ruak kawl a herh mi le bawmhchanh a herh mi paoh cu kan si khawh chung in bawmhchanh kan i zuam ko hna lai tiah tuchun July 2 ah khan General Main Aung Hlaing nih cun a chim hi a si.

Nihin (July 2) zinglei suimilam 8 (Myanmar Time) hrawng ah khan Pha-kanh myohne chung ah caantawi riantuan lo ding in phihkhar nak an tuahnak hmun ah sui le lunghring pawl an chuah nak hmun pe 1000 tluk a sang i pe 700 tluk a kau hmun cu ruah sur ruang ah a minh dih hna caah cu hmun i rian a tuan tu hna pawl minung tamtuk an nunnak a liam kha a si.

Hi thihnak kong he pehtlai in zanlei suimilam 6: 00 tiangah thawngthanh nak an tuah khawh ning ah cun minung 123 nunnak a liam i minung 31 cu hliamhma ak he anung in an chanh khawh hna tiah Tatmadaw lei nih cun thawngthanh nak an tuah nain meithat zung lei nih cun a thi mi ruak kan char mi hna hi 126 an si i minung 23 hi hliamhma fak ngai he anung in kan chanh khawh mi hna an si tiah thawngthanh nak an tuah ve.

DVB

 130 total views,  1 views today

This function has been disabled for Chin 11 News.