Pha-Kanh Mithi Kong Ah UN Secretary Biachim Mi Hi Upat A Tlak Tuk

Myanmar ramchung le miphung vialte hna Pha-kanh ram I vawlei minh nak ruang ah thihnaka  tong mi chungkhar vialte nan ngaihchiat nak kan I hrawmpi hna. Thihnak nan ton mi ruang ah bawmhnak pek ding in kan nih UN cu zeitik caan paoh ah timh cia (Ready) kan si peng ko tiah UN Secretary nih cun a chim hi a si.

Nizan July 2 ah Pha-kanh ram thihnak a tong mi hna chungkhar vialte le Myanmar ram miphun vialte nan ngaihchiat nak kan I hrawmpi hna, cun mithi ruak kawl ding in a cawlcang mi hna nan dihlak zong upat nak kan pek hna tiah Antonio Guterres nih nizan ah kah VOA thawngzamh sinah cun a chim hi a si.

Nizan tlaihnu tiang ah meithat zung lei nih thawngthanh nak an tuah ning ah cun mithi ruak 160 kan char khawh cang tiah thawngzamh sinah an chim. Ruak an char mi kong he pehtlai in an kawl cuahmah hna lio zong a si rih caah hinak tam zong an si kho rih, a thi mi hi 200 nak tamdeuh cu an si hrimhrim ko lai tiah an zumh ning zong a si.

Pha-Kanh ram hi sui a tamnak hmun a si caah sui kawl in riantuan mi hna pawl hi vawlei nih a cimh hnawh hna ruang ah a nunnak a liam mi hi an tlawm hrimhrim ti lo. Myanmar ram chung ah Pha-Kanh hi sui tambik a chuah nak hmuh zong a si I a bik in Tuluk miphun nih an cawk tawn hna.

VOA

 258 total views,  2 views today

This function has been disabled for Chin 11 News.