Pha-Kanh Ah Thihnak A Tong Mi Hna Kong Ah North Korea Nih An Ngaihchiat Nak An Rak Langhter

Kan hnu deuh July 2 ah Kachin ram chung Pha-Kanh I lunghring kawl nak hmun ah vawlei cimh nak ruang I thihnak faktuk a tong mi hna nih Kawlram chung mipi ngaihchia in a chiah hna. Cu tluk in ram mipi dihlak hmanh ngaih chia in an um lio ah Hlathlai tu phu an an hruaitu pakhat nih cun a thi mi cu sual phawt baktuk in “hakkauh nak ruang ah hi tluk tiang in thih nak an ton hi a si” tiah a rak chim mi ruang ah mipi thinhang le lung nuam loin a rak chiah dih hna.

Lei minh nak ruang ah mi tamtuk an thih mi kong he pehtlai in North Korea ah ramdang vuanci (foreign minister) a si mi mi Ri Son Gwon nih cun thihnak ruang an ngaichiat ve nak le lungnuam loin an um nak kong cu Kawlram chung ramdang vuanci sinah cakuat a rak tial ve.

Cu cakuat chung ah North Korea ramdang vuanci a si mi Ri Son Gwon nih a rak langhter mi cu “thihnak a tong mi hna an chungkhar cio nan ngaihchiat nak kan in hrawm pi hna. Thihnak nan tonmi ruang ah lungnuam lo ngai in kan rak um cio, cun Kawlram mipi zong nih nan ngaihchiat nak hi nan I philh khawh cawlh nak hna le niceu dawh nan hmuh nak hnga kan I ruahchan ko” tiah North Korea ramdang vuanci nih cun a rak tial I KCNA thawngzamh zong nih an rak langhter ve.

Myanmar-N. Korea ramhnih karlak Parliament pawl pehtlaih nak hi 1983 kum ah an rak donghter cang mi asi cang ko nain 2017 kum ah khan a hramthok in pehtlaih nak thar an rak siamremh than mi a si tiah VOA thawngzamh nih cun a langhter.

VOA 

 142 total views,  1 views today

This function has been disabled for Chin 11 News.