Pha-Kanh Ah Minung 200 Nak Lengkai Tuzing Ah An Thi, Ruak 50 Hrawng An Chuah Khawh Cang Hna

Kachin ramchung Pha-Kanh myohne i Sein Moe khua ah van ruah faktuk in a sur mi ruang ah lei mim nak faktuk in a chuak i tuzing suimilam 10 tiang ah khan cun mithi ruak 50 hrawng hi an hmuh chuah khawh mi hna an si.

Faktuk in ruah a sur mi ruang ah lunghring a kawl mi hna pawl an umnak hmun vawlei nih a cimh hnawh mi hna hi a si caah minung zeizat hi dah an thi lai ti cu fiang tein theih le hngalh khawh a si lo, asinain an ruahdomh khawh chung ning ah cun vawlei cim mi nih hin a tlawmbik ah minung 200 naktam cu a tim hnawh hna lai ti hi a si.

Mithi ruak zong hi a kawl cuahmah hna lio zong a si caah a thi mi min list hi ai dang lengmang lai, tamdeuh a kai chin lengmang ko lai tiah kan ruah ko tiin mithi ruak a kawl mi hna nih cun an chim.

Hi bantuk in chungkhar pawcawm nak ruah ah harsa ngai in rian a tuan mi hna Pha-Kanh ram chung lunghring a kawl mi hna hi vawlei nih a cimh hnawh lengmang hna ruang ah a thi mi le ruak hmuh thai lo mi zong an tamtuk hringhran ko cang.

 112 total views,  1 views today

This function has been disabled for Chin 11 News.