Ph.D degree nei mi pawl zong Covid-19 ruangah lam pawngah thil an zuar cang

Thingthei thlaihnah zuartu, mirang holh thiam taktak mi nupakhat video cu kan hnu zarh ah khan online ah a lar ngai.

Video an thlak mi ahcun Covid-19 ruangah Lockdown an tuah mi nih, nifatin hlawh pek ii riantuan mi pawl cu harsa tuk in a tuah hna, an mah bantuk thingthei thlaihnah zuar pawl zong nih cungkhar an har ngaingai hna, phaisa lut a chia ngai nak kong cu , India cozah nih cu hna pawl cu ngaituah colh dingin a chim.

Mirang holh a thiam tling te i holh kho mi, zeiruang ah dah riantha a kawl lo maw? zeitin dah a si tiah biahal nak a um i, an dothlat tik ah indore, Devi Ahilya University ah Ph.D degree latu Raeesa Ansari a rak si ziar.

Rian thatuk mi a rak nei nan, an mo pawl nih a unau fa le an kal tak hna ruangah an fa le pawl cu a mah nih a kil kawi hna i, a nu le a pa ,a unau pawl a zoh kheh hna caah a rian a bang mi a si.

Bia chim lio cu India media pakhat a rak zohtu nih cun, Ph.D degree ngahtu cu mifim a si i, zeiruangah dah riantha na kawl lo tiah bia ahal i, hi tihin a leh, a hmasa ah na biahal mi ah, a ho nihdah tiantuan ding a ka pek duh lai tiin hal chin kan duh nan.

Muslim bur pumhkhawh nak biak nak an nei ruangah india ramchungah Covid 19 a karh tuk tiah ti a si kha, na theih ko tung. Ka min cu Raeesa Ansari ka si i Muslim min a si. Cu caah collage resarch institution pawl nih riantuan ding an ka pe duh lo.

 109 total views,  1 views today

This function has been disabled for Chin 11 News.