1. Nizan June 26, zaanlei suimilaam 1pm hrawngah Gankaw in Kalaymyo lei ah a rak hong mi ralhrang ralkap motor 20 reng lo cu PDF (Kalay) ralkap lei nih Nat-chaung – Chaung-khuah van lonh Paan-mon-chaung hlei pawngkam in Bom in an doh hna. Bom kan tarh mi in ralhrang ralkap a thi i ai hliam mi an um kho ko nain zeizat an thih ticu kan thei lo.
2. Tuni (June 27) chun suimilaam 1 hrawngah Gankaw in Kalay lei ah a ra mi ralhrang ralkap motor 3 (Minung 50) cu Khuai Cing khua te le Tanphu khua kar ah PDF (Kalay) ralkap nih an bawh hna i an kah hna caah ralhrang ralkap lei in a tlawm bik minung 9 an thi. Ralhrang ralkap tam deuh cu hliam hma an tuar. PDF (Kalay) ralkap lei in ai hlaim mi um lo tein hnu kan pil kho.
Tuchun ah Zalen Media nih a thanh ningah cun “He-loh khua te pawng aum mi khua mi pakhat nih “zaanlei suimilaam 1:15 hrawngah an i kah cu asi. Suimilaam 1 renglo an i kap. Ralhrang lei in hriam lian in voi 10 renglo an kah hna. A tu cu Aungchianhta khua te lei an lonh cang” tiah a chim.
“Ralhrang ralkap lei in minung 4 an thi an ti. Ralhrang lei in a thi mi an um caah hriam lian he hnu an pil pah in an kah pah hna. Ralhrang ralkap cu pawngkam an i chawhvah lio (Kiin-hleh) ah PDF Kalay nih an kah hna. Motor cungah Mipi 15 hrawng an tlaih hna” tiah a chim chap. Crd: PDF (Kalay)
Leave a Reply