PDF Ttih An Nung Chin Lengmang Cang: Palek Sakhaan An Luh Hnawh i Palek 3 An Thah Hnam 2 An Zaam

CHUANGHNIKHO PALIK SAKHAAN AN LUT HNAWH HNA I PALIK 3 AN THI,2 AN ZAAM.HRIAMNAM PAWL AN LAK KHAWH.

ChuangHniKho Palik Sakhaan An Lut Hnawh Hna I Palik 3 An Thi,2 An zaam.Hriamnam Pawl An Lak Khawh.

=============================================

Mon ramkulh,MawlaMyine peng,Kyain Mah Yaw peng,Chuanghnikho palik sakhaan cu luh hnawh in an doh hna ii Chuanghnikho palik bawi tel in 3 an thi 2 an zaam 4 an nung in kan tliah hna tiah Red Dragon nih an thanh.

Cu Sakhaan cu November 12 zinglei sml 6 ah an doh hna ii palik bawi pakhat tel in 3 an thi.4 An nung in kan tlaih hna tiah Red Dragon nih an thanh.


Cu kahdohnak ah AK 47 ,M16 zun 4,G3 zun 1,60 MM zun 1,AK 47 kuan 200,M16 kuan 500,G3 Kuan 300 ,60 MM kuan lung 10 an lak khawh tiah theih asi.

Chuanghnikua palik sakhaan cu KNLA le Red Dragon phu fonh in an doh hna ii KNLA Le Red Dragon ralkap lei in hliam tuar nak um lo in hnu an kir kho tiah theih asi.

Relchap>>>>Tatun Peng,TuboLay Khua Cu SAC Ralkap Nih Hriamnam Ngan In An Kah Hna.

===================================================

Mon Ramkulh,Tatun Peng um Tubolay khua cu SAC Ralkap nih hriamnam ngam in a ruang um lo in an kah hna ii inn 6 a hrawk tiah theih a si .

November 11 in zanlei sml 8:42 ah SAC Ralkap Kah – Mah – Yah No. 9 ( Waiyaw) sakhaan nih Tubolay khua cu a ruang um lo hriamngan lung 8 in an kah hna ii inn 6 a ken ii a hrawh tiah theih asi..

SAC Ralkap nih hriamnam ngan in a ruang um lo in an kah ruang ah Tobulay khua in Daw PawSee,U PanSen,U PaBee,NawDoh,U Kye Zaw,Saw Teh Buu an inn pawl an hrawh leng ah thin kung pawl zong a hrawh dih tiah theih asi.

Tubolay khua cu SAC Ralkap nih aluan cia June 25 ah mei an duah ii umnak inn 61 a ciam dih ii puangki sianginn le cacawn nak sianginn zong a kangh.Cun khuami 3 zong an thah hna.SAC Ralkap nih inn an kangh ruang ah Tubolay khua um khuami pawl cu um chung nak thlaam an sak i an um .SAC Ralkap nih a tu hriamnam ngam in a ruang um lo in an kah than hna tiah KNU nih an thanh.(Crd.Khit Thit Media )

Relchap>>>>>>Wetlet,Htangyi Khua Cu SAC Ralkap Nih An Khua Ningin Mei An Khangh,Khuami 4 Zong Mei An Khangh Hna

Sagaing ramthen,Wetlet peng,Htangyi khua cu SAC ralkap nih an khua ning in an khangh i khuami 4 cu mei khangh in an thah hna tiah Wetlet Informational Network phu i tuanvo ngeitu pakhat nih a chim.

November 13 zinglei ah Htangyi station ah a um mi SAC nih khuami 4 cu an tlaih,an hrem hna i Htangyi station hnu lei ah um mi inn pakhat ah an hren hna i mei an khangh hna.Cun Htangyi khua zong SAC nih an khangh i khua ningpi in a kang tiah theih a si.

“SAC ralkap nih an thah mi hna hi Paukkan khua i khuami 1 le Paukkan station i 3 an si.Paukkan khua hnu lei tlanglawng lam le mawtaw lam pawng ah a um mi an si.Zaan ah an thil pawl phoih in zaankhuadei an hrem hna i zinglei ah mei an khangh hna” tiah Wetlet Informational Network i tuanvo ngeitu pakhat niha chim.
SAC ralkap nih Htangyi khua zong an khangh i khuami inn 300 hrawng a kang tiah theih a si.(Crd.Khit Thit Media)

Be the first to comment

Leave a Reply

Your email address will not be published.


*