PDF Sakhan SAC Ralhrang Nih An Luh Hnawh Hna I An Kah Hna PDF Pasaltha Minung 2 An Nunnak A Liam

Pakokku Hrambunh PDF Sakhan SAC Nih Luhhnawh In An Khangh, PDF Ralkap Pahnih An Nun Nak A Liam
===================
Magway ramhen, Pakokku hrambunh Dragon Brothers Guerrilla sakhan cu, nizan November 23 ah SAC ralkap nih Luhhnawh in an khangh piak hna pinah PDF ralkap pahnih tlaih an ton hnu ah an nun nak a liam tiah theih a si.

Zanlei sml 5:00 hrawngah SAC nih an sakhan an luhhnawh hna hi a si i,Sakhan i sentari cong in a um mi Chit Tey le Phu Lone cu ralhrang nih anthlaih hna hnu ah an nunnak a liam tiah Dragon Brothers Guerrilla phu nih an thanh.
Sakhan chungah a ummi facang tun 2, bomb le thilthuam hna cu SAC ralkap nih an lakpiak hna tiah theih chih a si.

Relchap>>>>>PDF Tlaih Timh In A Kal Mi SAC Bomb Puah An Tong Pahnih An Thi Panga Hliam An Si
==================
Sagaing ramthen Wetlet peng Hlahtaw palik sakhan in PDF tlaih timh i a dawi tu hna SAC rual bomb puah an si i (2) thi in (5) hliam an si tiah Black Wolf PDF nih a chim nak theih a si.

Nov-23 zing sml 10 hrawng ah Hlahtaw khua in SAC le pyusawhtee (10) nak tam nih PDF phukhat cu an hmuh hna i tlaihtimh in an dawi hna lio ah khualu an phak ah Black Wolf PDF/ Pyanhlua PDF / Mungtai PDF aifonh mi phu hna nih puahkenh nak fak mi bomb(မိုင်း) lung-2 in puahhnawh an si nak a chim.

“Rianherh i leng kan chuah ah an kan hmuh i kanhnu in an kan dawi cu a si ,timh cia in kan chiah mi bomb cun puah an si.Hlahtaw khua ah hin SAC thazaang (100) hrawng an um.Bomb khen nak in a thi mi kanhmuh mi (2) an si ”
tiah Black Wolf PDF tuanvo ngei tu pakhat nih cun a chim.
Hi puahkheh nak ah ralhrang le pyusawhtee ai bawmmi hna chung in (2) an thi i (5) hlaim fak an tuar caah a thi mi an umchap theulai tiah zumh a si i , hliamtuar mi hna cu mizaw phorhnak motor in an thiar hna tiah theih a si.

Relchap>>>>Hpakan Ah SAC Hriamngan Kah Nak In Tualchung Mi (1) A Nunnak Liam, (10) Renglo Nih Hliam An Tuar
======================
Kachin ram , Hpakan peng ah SAC ralkap nih hriamngan an kah caah tualchung mi pakhat a nunnak a liam lengah minung (10) renglo nih hliamhma an tuar tiah theih a si.

November 23, ah Hpakan peng Kaungsanhmaw pawng Taungkaw khua lei ah SAC ralkap nih hriamngan an kah caah khuachung ah hriamngan kuan 5 a tla tiah KhitThit media nih a langh ter .

Hriamngan kahnak ruang ah tualchung mi pakhat a nunnak a liam i (10) nak tam nih hliamhma an tuar, SAC ralkap hna nih Hpakan pengchung hmunkip ah rallam sialnak an tuah tiah khuachung mipi nih an chim nak theihchih a si.Crd..Chin 24

Be the first to comment

Leave a Reply

Your email address will not be published.


*