PDF Phaisa A Fir Hnu Ah Palek Sinah A Kir Than, PDF Nih CDM a Tuahmi Hi Zumh Dih Ding An Si Lo

Latputta PDF sakhan ah aa dawrmi CDM palik Kyaw Ko Ko cu a liamcia november 14 ahkhan mipi nih PDF an hlutmi hna tangka fir in Yangon ramtthen Hlaing Tharyar palik sakhan ah a va i ap tiah theih a si.

Palik Kyaw Ko Ko hi Latputta peng Pyinsaloe palik sakhan tang ummi Hlwa Zar khua le Tay Pyin Kaing khua hna ah ttuanvo a rak ciah mi palik a si i a liamcia July 20 ahkhan CDM a rak lut ve mi a si.

Latputta PDF in ttuanvo ngeitu ralkap pakhat nih “amah nihhin a voikhat nak ahcun CDM a tuah hnuin Yangon i aa thuhnak kong a kan chimh. Yangon ah ka si kholo a ti i DKBA sakhan pakhat ah a va i dawr tthan. Cuka in cu Laykaykaw lei a rak phan tthan. A phanh bakin CDM a tuahmi pawl a pehtlaih thluahmah hna.

A chawnhbiak mi pawl a sin an rat le ratlo bel kan thei lo. Khuami hna sinah bawmh a hal hna i peng dang zong ah CDM a tuahnak kong a au pi pinah tangka a hal hna i phone in bawmh a hal len hna” tiah a chim.


Palik Kyaw Ko Ko hi body number (La 251127) a si i a voikhatnak ahcun Htokkyant palik sakhan ah a rak i tlaih ter hna. Atu tu ahcun Hlaing Tharyar palik sakhan ah a phan cang tiah thawngpang fiang a um.

Latputta PDF ralkap pakhat nih “ahlan ahcun khuate deuh ttuanvo a lami palik a si. Ttuanvo a laaknak khuate pawl hi chawlehnak a tthat caah lawngkasa a tam. A tthawngtthal mi khua an si hna. Cu vialte kal tak in CDM ka tuah a ti tikah kan lung a rak hring ziar.

Asinain a nih hi mi biathiam le mi zer ngai a rak si. Kan sin a phanh hnu tu ahcun tubantuk thil a can sual ah tiah ralrin in kan rak pehtlaih peng” tiah a chim. Latputta PDF pawl nih CDM in aa let tthanmi kawl zer Kyaw Ko Ko ruangah khuami tampi tlaih an ton lai kan duh lo tiah an rak langhter chih rih.

 

Be the first to comment

Leave a Reply

Your email address will not be published.


*