PDF Pawl Ttih Ah Ralhrang Bawi AMah Tein A Nunnak A La

Sagaing ramṭhen, YeOo pengkomh YeOo khua ah caan karlak pengkomh palik bawi chang(Deputy Chief of Police) pa cu nizan September 15 zanlei ah amah tein aa that, tiah Ye U khuami hna sinin theih a si.

“Pengkomh palik bawipa cu amah tein meithal in aa kap i a thi. Nihin September 16 ah a ruak cu palik nih an fimhlawm lio kan hmuh,” tiah YeOo khua ummi pakhat nih a chim.

Sagaing ramṭhen palik he aa naihniam mi pakhat nih, “Caan karlak palik bawi chang Win Naing cu September 15 zanlei sml 6:00 hrawng ah a inn chungah amah tein 32 meithal in aa kap caah a thi, YeOo pengkomh cu Sagaing ramṭhen ah thah nawnnak a tam venak hmun pakhat a si ve.

Taze khua luhnak pawngah palik 5 kah thah an rak tong i, meithal zong an rak chuh hna, mah caah Palik bawipa hi thawngpang boruak a chia i a ṭih caah amah tein aa that a si kho men,” tiah a chim.

Sagaing rmaṭhen ah pwngkomh 11 a um i, peng 34 a um. Pengkomh palik bawi le peng palik bawi tampi an um i, cu chungah palik bawi Win Naing lawng hi amah tein aa thatmi a si rih, tiah theih a si. The Chin Post

UN AH MYANMAR PALAI HO DAH SI LAI US General Bangladesh-Myanmar ramri phan Credential Committee thar le Russia,Myanmar A vawi 77 nak UN General Assembly cu Ni 13 September 2022 ah New York, USA ah tuah asi cang.

UN Secretary General Antonio Guterres nih hawnnak biacahnak a nei dih hnu’ah tukum 2022 “Credential Committee” members-9 hna cu Asia, Africa,Central America,Europe,Middle East le Indo-Pacific Oceania in Palai -6 le UN Permanent members;- USA, Russia le China ti’in thimnak Ram-168 nih an thim.

Credential Committee members Ram hna cu 1. USA 2. Russia 3.China 4.Austria 5.Angola 6.Moldives 7. Wayana(Rwanda) 8. Zambia le 9. Uruguay hna an si ti’ah theih asi.A tutan UN meeting cu England Siangpahrang Nu Queen Elizabeth vuinak London ah 19/9/2022 ah neih asi hnu Ni 20 September 2022 lawngin Vawleicung President/ Prime Minister(Head of State)pawl beiceih khuakhannak an thawk kho te lai i 27th September,2022 ah donghnak an tuah te lai.

Tutan UNGA meeting ah hin US Cozah nih cun Russia Foreign Minister Sergei Lavrov cu Visa lutnak an pe duh lo na’in1947UN Headquarter Agreement na buar ti’ah Russia, China, India le Iran nih US cu an phomhchih ca’ah Nizan cio ah khan Mi-24 Russia Diplomats Visa an pek tha’n hna.

Cubantuk thiam thiamin Afagan ram Foreign Minister pa zong US nih Lutnak Visa a pe duh ve loh. Myanmar kong tu cu zeihmanh an chim duh rih lo i, SAC lei’in Wanna Muang -lwin a kai lai maw timi theih asi rih loh.

Na’in 26 September ah Myanmar aiawhin biachimnak an pek te lai i, U Kyaw Moe Tun maw U Wanna nih dek pakhat deuh deuhnih chim te dawh an si. Amah belte tutan ah hin NUG lei’in an support mi U.Kyaw Moe Tun cu Myanmar aiawhin pek Nominee cia asi i, Ralkap Cozah lei nih Mithar Diplomat hlun (a min an thup) cu Nominate an tuah cang ti’ah theih asi.

Hi SAC thlahmi Pa hi Russia, China, Angola, Maldives nih support dawh an si ti’ah Sputnik News nih an chim. U Kyaw Moe Tun hi Term hnihnak asi cang ca’ah Term thum tiang peh khawhnak phung(Rules) a um ah cun, amah hi an chiah khawh rihmi zong asi kho.

Vawleicung um Myanmar Mipi nih cun U. Kyaw Moe Tun hi rak kan chiahpiak rih uh ti in an nawr len bantukin Ralkap SAC lei zongnih heh ti’ah Russia Eastern Forum an tuah lio ah khan China hmangin Diplomacy arak tuah ve len. Zeipoh siseh, September 27/28 ah a ho dah an thim timi cu a fiang te lai.

Rakhine ram chaklei Muangtaw le Bangladesh Tumbru ramri kahdohnak ah AA nih Myanmar Border Guards Polik Posts-3 an lak piak kho ca’ah SAC Ralkap nih Jet fighters-3 le Army Helicopter-4 telhin Artillery Shells zeimawzet in bomb an thlak ca’ah.

Bangladesh lei Bandarban District chung Naikhongchari ,Tumbru Ralzam Camp ah a thla pinah Ralkap fighters pahnih cu Bangladesh Ramchungah a duh duhin a lut an ti ca’ah, tuchun kha US Army General Charles Founa le Bangladesh Army Chief General Jab Buddin Amid cu.

Myanmar-Bangladesh Ramri KM-7 hlatnak Cox’bazar le Teknap tiang an rak ra i,Rohingya/Bengali Ralzam Refugees Camp an rak zoh ti’ah theih asi. Atulio te hi Vawlei -cung Ram-24 i Ralbawizik Army Chief pawl Bangladesh ah 46th Indo-Pacific(IPAMS)raltuk nak lei khuakhan tinak an nei cuahmah lio asi.

Cu ah aa telmi cheukhat hna cu US,Canada, India, Australia,Indonesia le Vietnam zong an i tel ve. Za rih seh mu..Thawngpangthar kan peh tha’n te lai. MC Biklian

Be the first to comment

Leave a Reply

Your email address will not be published.


*