Tanintharyi ramthen, Dawei Township chung ah PDF le Ralkap karlak raldohnak a chuak tiah theih asi. Nihin July 7, 2021 ah PDF nih Ralkap Sal a simi pawl an kah hnu hna ah Ralkap lei nih an minung pawl an rak bomh hna i cu ahcun kaphnih karlak kahnak fak ngai in a chuah hi asi.
Nizaan July 7, 2021 zaan ah khan Dawei Township, Yawngmaw khuate Sianginn ah umhmun a khuar mi, Ralkap sal pawl, ပျူစောထီးအဖွဲ့ timi phu hna cu PDF pawl nih zaan ah an kah hna hi a si. Cu ahcun ပျူစောထီး phu nih Ralkap pawl bomh an hal colh hna i Ralkap pawl cu motor 5 in an rak ra nain an motor pahnih cu lampi ah PDF nih Bomb in an puah piak dih hna.
“Nizaan suimilam 11:00PM hrawng ah a si. ပျူစောထီး lei nih ralkap pawl bomh an hal colh hna. Cun ralkap pawl cu motor (5) in an rak ra colh. Ralkap motor (2) cu Bomb kan puah hnawh i a rawk dih, motor (3) tu cu an luat. Ralkap lei minung a tlawmbik ah (5) cu an thi lai tiah kan zumh” tiah PDF chungtel pakhat nih a chim hi asi.
Nizaan hi suimilam 2 chung hrawng an i kap, cun nihin zing ah Ralkap pawl nih PDF minung an tlaih mi hna an um timi kan theih nain zeizat an tlaih hna timi cu fiang in chim a si lo tiah khuami pakhat nih DVB ah a chim.
Ralkap lei hi minung 5 cu a tlawmbik ah an thi tiah zumh a si, PDF lei in minung 2 an thi ve tiah khuami nih an chim nain an mah PDF upa pakhat nih “Kan nih PDF cu kan him, suimilam 2 chung kan i kah hnu ah a himnak ah tluang tein kan zam dih kho” tiah a chim ve. Credit: Laikokek J
Leave a Reply