PDF Nih SAC Ralhrang Tapeh Pyusawthi Pawl An Phomh Hna Ceilak In An Phomh Hna

Mepe Dum Ah Humhimnak Lak Dingin A Kalmi Pyusawhti Cu PDF Nih An Kah Hna Caah Pahnih An Thi

Magway ramṭhen, Myaing peng Tayetkua(သရက်ကွ) khua, mepe dum lei kalmi pyusawhti hna cu nizan November 22 zing sml 7:30 hrawngah PDF nih an kah hna i pyusawhti pahnih an thi, tiah theih a si.

“Mepe a phawitu pyusawhti hna humhimnak lakpiak dingin pyusawhti 10 hrawng an kal lioah kan kah hna i pahnih an thi. Annih hi Tayetkua khuami an si,” tiah bawino Mipua nih a chim.

“Kaphnih kar kahdohnak minutes 10 chung hrawng a chuak. A hmun ah a thimi hi pyusawhti pahnih an si i hliamhma pumi zong an tam. Kanmah lei in a thimi le ai hliammi kan um lo,” tiah a chim chap.
Tutan kahdohnak hi Wolf Guerrilla, Pakokku PDF, Middle Revolution Tesk Force (MRTF)၊ JRT၊ GOE၊ Royal Seven le Aung Kyi phu hna i bawm in an tuah mi a si, tiah theih a si.

Relchap>>>>>SAC ralhrang pawl cu PDF ban tuk in ii um tar in ral lam sial ding in timh tuah nak an ngeih caah mipi pawl hna cu ii ral rin ding in, PDF nih mipi sin ah ralrin pek nak an tuah

SAC ral hrang pawl cu Maguai ram then MinHlah peng chung ah Civil thuam in ii thuam riang mang in le PDF ban tuk in ii um tar in ral lam sial ding in timh tuah nak an ngeih caah mipi pawl hna cu kal um ii ralrin ding in le zumh deuh lo mi hna cu PDF sin ah thawng pek ding in Min Hlah peng mipi veng tu ral kap hna nih cun an chim.

“Min Hlah peng SAC ral hrang pawl cu PDF ban tuk in ii um tar in ral lam sial ding in tiamh tuah nak an ngei tiah thawng kan theih caah,theih bal lo mi hna sin ah mipi pawl cu ral ring te in um ding in le zumh lo deuh mi hna cu PDF sin ah thawng pek ding in , MinHlah peng mipi veng tu ralkap ii rian ngei tu asi mi Bo Yan Kyi Aung (ဗိုလ်ရန်ကြီးအောင်)nih” People’s Spring ah achim.

“Min Hlah peng chung ah hin aluan cia October thla chung zong ah khan SAC ral hrang pawl cu PDF ban tuk in ii um tar in ral lam an sial caah mipi veng tu ral kap le Mah SAC ral hrang kar lak ah cun kah doh nak zong fak ngai ngai in arak chuak tiah”Bo Yan Aung nih cun achim chih.

Be the first to comment

Leave a Reply

Your email address will not be published.


*