Sagaing ramthen Yinmari Myonee ah ralkap mawtaw bomb in an puah hnawh, ralhrang minung 12 leng an thi tiah PDF nih thawng an thanh.
Yinmarpin myonee Ban Bwe khua leiah Kway Chaung khua lei ah a kal mi ralkap motor cu Yinmarpin PDF nih bomb in an puah hnawh . Ralhrang motor an puah hnawh mi chungah minung 12 leng an thi, hliam tampi a tuar mi an um chih. mah ralhrang pawl nih lam pawng ah an chiah mi motor cycle an khangh piak ve hna pin ah thilri tampi an hrawh piak ve hna.
Khua chung um mi pakhat nih ralhrang minung 12 leng an thi tiah a chim ve. Ralhrang a thi mi hna hi a hrawnghrang in chim a si i, a dik ning taktak in cun ruak hi an rel cawk bello. a ruang cu an ruak pawl kha motor in an thiar colh tawn hna caah a si.
PDF nih an thanh mi hi a dik ko nain fiangtuk cun thil hi a fiang tawn lo tiah a chim tu an um nain tutan ah ralhrang hi mi tampi PDF nih an thah hna ti cu a fiang.Vapual Net
Relchap:Chainmyatarsi(ခ်မ္းျမသာစည္) ah swab lak lio mi pakhat tel in minung 13 cu Covid-19 zawtnak ruangah an nunnak a liam
Mandalay ramthen, Chainmyatarsi(ခ်မ္းျမသာစည္)peng September 1 ah,swab lak lio ah nunnak a liam mi Covid zawtnak a ngei lai tiah lunghrinh mi tel in Covid-19 ruangah minung 13 an nunnak a liam tiah Mandalay mibawmchan tu phu sinin theih a si.
Mantawng(မန္းေတာင္ရိပ္ခို) Covid-19 cawnghhramhnak center in Covid mizaw pakhat, Mandalay sizung pi in minung 7, City hospital in minung 1, Ganhgaw(ကံ့ေကာ္) sizung in minung 1, khuachung in minung 1 le Covid-19 zawtnak ngeilai tiah lunghrinh mi mizaw pahnih cu an nunnak a liam.
Atu langhter mi Covid zawtnak ruangah nunnak liammi hna cazin cu Mandalay khuachung mibawmchan phu cheukhat hna sinin theih mi a si.
Mandalay ramthen chung Covid-19 zawtnak ruangah nunnak a liam mi July thla chung minung 2000 leng an si,cun August thla chung ah minung 700 hrawng an si tiah theih a si.
Nunnak a liammi hna chung in tamdeuh cu kum upa deuh mi hna le, zawtnak phun dang a ngeicia mi hna an si, cun sii-inn ah a zohter kho lo mi hna, sii-ai lei harnak a ngei mi le oxygen chambau ruang ah nunnak liam mi hna an si
Ralhrang kuttang ngandamnak zung nih September 1 cathanh chuah mi ah Mandalay ramthen chung Covid zawtnak aa chawnh mi minung 16 an um tiah a langhter.Mandalay ramthen chung peng 20 ah Stay At Home ding in rikhiah a si.#DVB
Leave a Reply