PDF Nih SAC Ralhrang Motor An Kah Hna Ralhrang Tawr An Thi

Shwebo ah PDF nih ralhraang motor an kah i ralkap pathum an thi

Sagaing ramthen, Shwebo peng, Hlataw khua in Shwebo khua ah a ra mi Council ralkap motor cu PDF nih lam hmun khat ah an kah hna i ralhraang pathum an thi tiah Shwe Bo Defense Force- SBDF nih a chim.

November 28, Chun suimilaam 1:00 ah Shwebo pengkomh Hlataw khua in Shwebo lei ah a ra mi ralhraang motor pakhat cu Mandalay, Sangaing, Shwebo lam hmun khat ah an kah i ralkap pathum an thi, hma faak a pu mi an tam tiah Shwe Bo Defense Force-SBDF sin in kan theih.

Cu pin ah, November 28, zaanlei suimilam 5:00 tluk ah Hlataw khua in a rak chuak mi ralhraang motor cu bom 10 tluk in an puah hnawh i ralhraang 10 reng lo hma faak an pu.
Cu kahdohnak pawl cu Shwe Bo Defense Force-SBDF Camp- 1 phu, Downey Ayataw Public Defense Team, Yan Beelu Ba Kyaw phu fonh nih tuah mi a si tiah kan theih.
Ref. Khit Thit Media

Relchap>>>>>Kokang Ah SAC Ralkap Le MNDAA Kar Kahdohnak A Chuak, 2 An Thih Hleiah 7 Nih Hliamhma An Tuar

Kokang hmunram ah SAC ralkap le MNDAA kar ah kahdohnak a chuak tiah MNDAA nih nihin November 28 ah cathanh an chuah.

Kokang Chinshwehaw(ချင်းရွှေဟော်) ah November 28, zinglei suimilam 8:00 ah SAC ralkap, pyituhsit phufonh le MNDAA kar ah kahdohnak a chuak. Kaphnih kar i kahdohnak ah SAC ralkap lei in minung 2 na thi, 7 nih hliamhma an tuar tiah an cathanh an chuah mi ah cun an langhter.

Nihin November 29, zinglei suimilam 9:30 hrawng ah SAC nih kahdohnak an tuahthan nain chunhnu suimilam 1:00 ahcun kahdohnak a dai than tiah MNDAA nih an thanhmi ah cun an langhter chih tiah theih a si.
Source:The Kokang

Be the first to comment

Leave a Reply

Your email address will not be published.


*