Pekhon(ဖယ္ခုံ) khua chuahnak lei Kungsun(ကုန္းစြန္) khua le Puche(ပူခ်ယ္) khua kar ah nihin September 8, zinglei ah ralhrang phu hna motor cu bomb puah a si caah mipi vengtu ralkap phu le ralhrang phu karah kahdohnak a chuak tiah theih a si.
“Khua chuahnak lei ah ralhrang motor 5 hrawng cu an si lai,a hlan kanh in thawng kan theih caah bomb puah in kan doh hna, a hnubik motor cu khen a si , a hmai ah a kal mi motor nih pehtlai in an kan kah ve caah kaphnih kar pehtlai in kahdohnak a chuak” tiah kahdohnak ah a tel mi mipi vengtu ralkap phu in minung pakhat nih Mizzima ah a chim.
Cu kahdohnak ahcun suimilam cheu hrawng kaphnih in an i kap, suimilam 10:45 hrawng tiang ah ralhrang phu lei nih hriamngan he pehtlai in an kah hna tiah theih a si.Mipi vengtu ralkap phu lei in hliamtuar le nunnak liammi an um lo tiah theih a si, ralhrang phu lei in a thi mi kong ah thawng fehternak a um rih lo.
“NUG cozah nih thawngthanhnak a um cang caah kanmah Pekhon (ဖယ္ခုံ) mipi vengtu ralkap phu zong nih a dongh tiang kan doh lai,mipi hna zong nih nan si khawh nak lei in tel cio rak i zuam uh tiah” mipi vengtu ralkap phu chungtel pakhat nih a chim. Mizzima
Leave a Reply