Zahan August 26 zaanlei suimilam 5-6 kar hrawngah Sagaing ramthen Kawlin peng nichuah lei ah Min Aung Hlaing ralhrang cu motor in an ra chuahmah lio ah mipi ralkap PDF nih mine bomb in an thuat hna i ralhrang lei minung 30 leng an thi.
Zahan thiamthiam ah Kawlin peng ah fangci a bumh mi hna cu ralhrang nih an kah hna i, minung kaphat a nunnak a liam tiah theih a si chih. minung pakhat an hliam i a ke ruh lang dih in an kah chih. caan tlawm a rauh hnu ah ralhrang pawl cu an rak lang than i, zaanlei suimilam 5-6 hrawng ah PDF nih bomb i an puah hna hi a si.
Mah bomb a puah hnu ah caansau ngai kaphnih kahnak a chuak i PDF lei hnu an tolh than, PDF lei in a thimi le hliamhma a tuar mi an um lo tiah theih a si. Ralhrang lei tu cu minung 30 leng cu an thi hrimhrim lai tiah zumh a si.
Mah kahnak a chuah hnu in ralhrang bawmtu dingah ralhrang thazaang minung 100 leng hrawng an phan i cu ka hmun ahcun hmun hma an khuar . Anmah bantuk in ralkap cu kan tam ko nain hriamnam kan i deih lo tiah an chim. Mah ruangah hnu kan tolh nak hi a si tiah PDF lei ralkap nih a chim.
Leave a Reply