Mandalay ramthen, Pwin Oo Lwin ah August 4 le 5 ah khuami 5 hna cu PDF nan si tiin ralhrang nih an tleih hna. August 4 ah YeChanOo khua mi mino pakhat, August 5 zan sml 6 hrawng ah Toegyikone le Latpankone khua mi mino 4 ralhrang nih an tlaih hna.
Nizan ah YeChanOo in pakhat, tuni ah mino 4 an tlaih hna. Dalaan nih thawng an pek hna ruang ah PDF ah an rel hna i an tlaih hna. Pyin Oo Lwin ah palik nih thawngpang lak nak um lo. Dalaan hmang in thawngpang an hlat i an tlaih hna’ tiah khuami pakhat nih a chim.
Mino an tleih khawh hna in pehtlaihnak a ngah lo caah an chungkhar an lung rethei ngai.An hlathlai ning ah mino hna cu palik sin ap rih lo in sakhan ah an chiah rih ko hna tiah khuami cheukhat sin in kan theih.July 24 zong ah Pyin Oo Lwin peng PhaungTawSanPiah khua ah NLD party chungkhar 4 ning in le an mileng pakhat zong ralhrang nih an rak tlaih hna.
Relchap: Hungmalin peng ah ralhrang phu hna le Shanni ralkap (SNA)kar kahdohnak a chuak; Sagaing ramthen,Hungmalin peng Hephat(ဟဲဖက္) khua ah August 5 ah ralhrang phu hna le Shanni ralkap (SNA) kar ah kahdohnak a chuak tiah theih a si.
August ni 5 ,chunhnu ah a cang mi kahdohnak cu suimilam 3 hrawng an rau i cu kahdohnak ahcun ralhrang phu lei in minung 4 an thi i, Shanni ralkap lei in nunnak a liam mi an um lo tiah SNA in rengsang pakhat nih a chim.
Cu kahdohnak kong he pehtlai in nawlngeihnak la tu ralhrang phu hna nih thawng an langhter mi a um rih lo tiah theih a si. Hungmalin (ဟုမၼလင္း) peng chung ah ralhrang phu hna nih nawlngeihnak an lak hnu ah ralhrang phu hna le Shanni ralkap(SNA) kar ah kahdohnak voili a cang tiah theih a si.TCP
Leave a Reply