PDF Mino Ralhrang Nih An Thahmi Hna Minung 6 Ruak An Char Hna

Kalay myonee Yisin khuapawngah zahan 7.9.2021 ni ah Min Aung Hlaing SAC ralhrang pawl kut in a thimi PDF ralkap pawl cu minung 6 an thah mi hna ruak an char tiah theih a si. Tunai hrawngah pehtlai in Kalay pawngah kahnak pehtlai in a chuak i khuami zong tampi an zaam cang hna, kalaymyo pawng kahdohnak hi a fak ngaingai. Tutaan ah ruah lo piin miruak 6 an char mi hna hi PDF member le chungtel an si tiah an thanh. ..Kalay..PDF

Relchap: NUG nih D-Day a thanh mi kong ah tlangcung hriamtlai hna hmurka; NUG nih September 7 zinglei sang i Myanmar ramhuap D-Day a thanh mi kong ah tlangcung hriamtlai phu hna an dirhmun kong VOA nih biaruahnak a tuahmi hna a tawinak in kan vun leh. Colonel Naw Bu (KIO)

“Kan nih KIO Central Committee nih cun NUG nih D-Day a thanh mi kong ah ruah ning, cuanh ning le biakhiahnak pawl kan tuah rih lo. Central Committee lei nawl peknak a um rih lo ca ah zeihmanh kan tuah rih lonak hi a si,” tiah a chim. Major Ta Aik Kyaw (TNLA)

“Cunglei nawl peknak a tlak rih lo ca ah kanmah lei zong zeihmanh timhlamhnak le biakhiahnak tuah mi kan ngei rih lo,”. Cun, NUG nih a thanh mi kong ah, “Meeting i auh ding le i caihkhan ding ngeih ding le ngeih lo ding kong ah TNLA telh in AA, MNDAA hriamtlai phu phir 3 hna zong biakhiahnak an ngei rih lo,”. MNDAA nih cun, “Cathanh le biakhiahnak an tuah rih lo nain mizapi lei ah dir an i timhnak kong an phuan,”.

NCA kahdohnak ngolnak minsen a thu mi tlangcung hriamtlai phu 10 hna remdaihnak lei ah hruaitu PPST zong nih Online in meeting an thu nain NUG thanh mi kong ah caihkhan mi an ngeih lonak kong an chim.

NUG cathanh kong ah PPST lei nih tuchun September 8 hi biakhiahnak an tuah kho men. Cun KIO hriamtlai phu lei in Colonel Naw Bu nih, “NUG nih a thanh cang tik ah zeitik caan poh ah kahdohnak a chuak khomi a si. Cu a si ca ah mizapi zong nih mah le umnak hmun ah tling tein kan him khawhnak hna i ralring taktak kan hau ko,” tiah a chimchap.

NCA minsen a thumi hriamtlai phu 10 remdaihnak hruaitu PPST nih, “NUG he i fonh ding le fonh lo ding kong ah mah le hriamtlai phu in biakhiahnak tuah ding in nawl a serpiak hna,” ti hmuh a si.THP