PDF Le KNU Thiltuah Cu A Mak In A Mak Tuk Ee.

PDF pasaltha, nusaltha le KNU pawl nih an umnak pawng Khuate pawl cu rianttuan an bawmh hna tiah theih asi. Atu lio khuati vanruah a that tuk lo caah, ruah a sur lio, Vunruah a um lio ah namchan deuh in Lei tuah le Facang phun zong a herh lio caan a si.

Cu lawng si loin, Rampi buainak ruang ah khuami tampi cu an rian an ttuan kho ti hna lo. A himnak hmun ah an zaam dih cang hna. A ralai mi kum caah zeidah kan ei lai timi lungre theih awk dirhmun tiang kan hun phan.

Cu bantuk in, khuati vanruah that lo, Pulrai zawtnak le rampi buainak ruang ah nancham ngai in Lo tuah, Lei tuah le facang phun zong a herh lio caan a si caah PDF pasaltha, nusaltha hna le KNU pawl nih khuami pawl cu Meithal he an dirkamh hna lawng si loin, facang phu, Leithuan tiang in an bawmh hna hi a si.

Tutan rampi buainak ah KNU hi biatak tein an mipi a dirkamhtu an si. Cu lawng si loin raldohnak fak biatak tein a tuah hmasa mi zong an si fawn. Cu pin ah mino tampi an mah nih an zohkhenh hna, raldoh training an pek hna i atu ahcun PDF tampi KNU hmunram in an chuak cang.

Atu zong ah biatak tein mipi an dirkamh pin ah, Meithal he an rianttuan nak ah an congh hna lawng si loin, rian tiang an bomh hna timi thawngpang a um tikah lung a hmui ngai. Hi thawngpang hi a dik ko ahcun thangthat tlak taktak an si nak a lang chichin ko.