PDF le CDF fonh in ralhrang hrianngan a tlaitu minung 5 an thah hna tiah theih a si.Nihin Sept 12 ah Saw peng ah Min Aung Hlaing ralhrang le mipi ralkap hna cu an i kap. Mah kahnak ah hi ralhrang minung hriamngan tlai tu an thah pin hna ah a damg mi 4 nih hlian an tuar tiah theih a si.
Nihin zing kahnak ah hin chinram hriamtlai CDF le Yaw, Saw PDF hna an i fonh i an kah hna, Mindat CDF pakhat nih a chim ning ahcun Min Aung Hlaing ralhrang nih 60mm in voi 100 hrawng cun 40 mm in voi 200 hrawng an kah hna. Asinain kanmah lei cun hliamtuar mi le nunnak liam mi pakhat hmanh kan um lo tiah a chim.
Saw pengah a um mi SAC ralhrang le CDF Mindat , Kanpalet CDF le Saw PDF fonh in an i kap kap lengmang, Ralhrang motor 9 in ralkap thazaang an chap tiah theih a si. Ralhrang an tam deuhdeuh caah kahdohnak hi a peh peng ko lai tiah a chim. Nihin kahnak ah hin Mipi ralkap pawl cu a thimi le a hliam mi an um lo tiah an chim.
Leave a Reply