Ramthen tampi le hmun kip ah PDF nih Ralkap Mytel tower an hrawh lawng si loin, a fimkhur tuk ko mi ralkap lei ah a ttang mi a tu le a tu an thah hna caah ralkap chungkhar nunau pawl cu thinphang in an um tiah theih a si.
Ramthen hmun tampi lawng si loin khuapi lianlian cungah kahnak le thahnak a tamtuk caah palek chungkhar le ralkap chungkhar cheukhat cu chungsuvang in an um hna i, Yangon ramthen ah ralbawi pakhat a si mi pa nih nan phin phang hlah uh kanmah kan um ko zei har nak hmanh nan tong lai lo tiah a hnemh hna.
Kani peng chung zongah kahnaka chuah hnu in ralkap nih vanlawng an hman colh tiah theih a si. Hmuntampi ah ralhrang a um mi hna hi an thinphang caah mino tampi an zumh hna lomi cu an tlaih hna i an thah hna tiah Kyae Myo nih a chim chim.
A tulio PDF cawlcangh ning cu ramchung hriamtlai ralhrang caah cun ttihnung a si caah an chungkhar chinchin nihcun an tih rilmal ko cang lai. PDF nih an i timh mi cu ralkap cihmih hi a si caah an chungkhar caah a him lo zia an hngalh caah a si.
Kan hnu te zongah BBC nih ralkap nupi interview an tuah i ralkap chungin zaam zokzok an duhnak kong tiangin a chim. Ralkap tuan mi chungkhar zaang an fak nak kong zong a chim i khuaruahhar khi a si. Ralkap sining le dirhmun a chim mi cu ralkap chungkhar tiang i an temtuar ning ko hi a har. CDM tuah kong kan duh ko asinain kan tuah ngam lo tiah a chim chap.Htun Kyaw
Leave a Reply