Pathian Nih Kawlram Hi A Ven Bak Ko

Kawlram Pathian nih a veen…Kawlram ah cun Khrihfa kan tlawmte. Milu za tuak cun 6% hmanh kan tling deuh lo kho men. Nain, Kawlram Khrihfa chungah Khrih a zum taktakmi belte Khrihfa aa timi hna lakah an tampi kho.

Kawlram cu sehlei le thil thar serchuahnak leikap ah cun kan ṭhancho lo tuk rih caah Khrihfa hna siseh, khrihfabu dirhtu le hruaitu hna siseh, Zumhnak bakin khua a sami an tam lengluang.

US cu Khrihfa ram a si, ti si. Nain, Khrih a zum taktakmi, Van le Vawilei Pathian nih a ser bak ko tiah a zum kho taktakmi belte zaa tuak cun an tlawm taktak lai. A um hmanh an um tuk theng ti lo kho.

South Korea zong US bantuk nawn an si ve cang. South Korea Khrihfa pawl zumhnak ka hei hmuh khawh tawk ve ah cun, Khrihfa tlamtling bik ti phun in kannih Kawlram Laimi hna nih kan chiahmi Protestants Thlurpi pathum le cu in aa ṭhen chinmi Pentecostal phunphai pawl zong zumhnak kong ah an der ngai cang hna ti in ka hmuh. Phaisa an ngei tuk cang hna i Pentecostal phunphai pawl ko hmanh an hrokhrawl ngai.

Cu pawl nakcun pialsual Khrihfa pawl ko dara zumhnak kong ah an ibiatak deuh rua ka ti.

(Direct tuk in ca hi ka thai tawn lo. A zulhdawi zia a thiamlo ka ca a rel tawnmi zong nan um sual kho men ko.)

Biakam Hlun chung, Egypt ram i fapa upa cem thah an rak si tan, le Pathian nih Sodom le Gomorrah hrawh a rak timh tan i zumtu hna a rak kilven ning, kilven a rak timh hna ning kha mithlam bantuk ah an cuang.

Kawlram cu Covid-19 nih a luh hnawh kho bak rih lo ti si ko hi teh. Kawlram kiang Laos zong.

Siloah, nang zeidah na puh lai? By Salai C Alexander

 191 total views,  2 views today

This function has been disabled for Chin 11 News.