Pathian Nih A Umpi Mi Dr.Sasa Bia Cu A Tha Kho Tuk Ee!

Nizah an Dr.Sasa cu South East Asia Globe News thawngzamh nih biahalnak an tuah. Mah an biahalnak cu Federal Army kong asi. Dr.Sasa nih a chimmi cu, Kanmah lawng cun teinak kan hmu kho lai lo, anmah lawngte zong in teinak an hmu kho ve lai lo. Nain lungthinkhat in hmunkhat te ah kan ifuntom ah cun, kan miphun le kan ram caah teinak nganpi kan hmu lai tiah a chim.

Tlangcung mi vialte kan lung aa rual i tlangcung hriamtlai dihlak kan dir tti ah cun, Min Aung Hlaing ralhrang hi kan tei hrim lai tinak asi. Dr. Sasa talk with South East Asia Globe News We cannot win alone, they cannot win alone, but TOGETHER and UNITED, we will win big for our people and country. Tiah a chim hi a si. Dr. Sasa hi Pathian nih fimnak a chap chin lengmang ti hmuh khawh a si. Credit Daily Chin Star

Theih Tha Taktak! CNA/F nih ral a tuk lo ee, ralkap a Kap lo ee / cu ee kha ee tiah Ramleng in za lawng ngai , fawi ngai le ninghngal ngai le a fimngai le thilthei ngai bang in online chung rak au len ti hlah uh!!! Ramchung ral a thawh tik ah zei tluk dah Mipi nih harnak an ton tawn ti zong tha tein theih le hlat a hau !!

A nai bik i Serien Ram ah ramchung ral a thawh tik ah zei a hngal lo mi Nau semka in Tar Nu le Tarpa tiang zeitluk in dah harnak an ton ti mi cu Vawlei khuaza ramkip nih theih dih a si! CNA/ F nih nihin tiang meithal an puah lo mi hi Mipi sin ah zawnruah nak le khua fak piin an ruah caah a si ti hin fiang tein Mipi nih kan theih a hau!

Kawl ralkap hi tih hna seh law , nan mah online chung in Ramleng in Au khuan a thawng ngai mi nak Khan fawi tein an kal i, an zam kho !! Hi ti Kan chim tik ah Kawl Ralkap Mithalo pawl kha tih ding le dai tein a Nawlngeih nak le hramhram in Uknak Kha Mipi nih kan cohlang hna lai Ka ti duh nak a si lo!

A tu lio dothlen nak / Revolution ah hin kawlram pumpi huap in khua fakpi in ruah a hau i, Ram pumpi huap in cawlcang thiam le zohchih a hau mi a si. Political party, CRPH, CDM, UN ( ram chung Ram Leng pehtlaihnak) , tlangcung mi hriamthai mi vialte , Mipi duh lonak a langh ter tu hruaitu hna tiin hmunkhat in cawlcang thiam a hau mi a si !

A tu lio dothlen/ Revolution nak ah hin Ralkap hi meithal he doh hrimhrim ding dirhmun a phan ah cun, tlangcung mi lawng si loin, an mah kawl Miphun hrimhrim meithal an tlaih ve a hau lai. CNA/F hi dai tein an um ko tiah ruat hlah uh! Dothlen nak tuah tik ah Mipi nih theih awk a tha lo mi le Online chung ah tial awk le langhter awk a tha lo mi thil tampi a um lai ti hi Mipi nih kan phlih lo a hau !!! Credit: Deniel Rum Hnin