Pathian Nih A Umpi Hrimhrim Ko Hna, Tazacuai Mi Grace Community Church Cu A Hohmanh Nih Nan Kham Kho Hna Lo An Ti Hna

Pathian Nih A Umpi Hrimhrim Ko Hna, Tazacuai Mi Grace Community Church Cu A Hohmanh Nih Nan Kham Kho Hna Lo An Ti Hna

California Khirhfa Caaah Thawngtha :Nan theih cio bantuk in US ah Pathian a tih lo bikmi, khrihfa a rem lo bikmi,state cu California le New York an si. California hi Pathian a huami, Liberal, left wing, Socialist, progressive le Hollywood pawl an lornak le an ruhnak state a si.

Democrats cozah nih an ukmi state a si caah khrihfa pawl hi tazacuai an tong pah lengmang. Coronavirus ruangah California state, Los Angeles County Sun Valley I a ummi, Grace community Church cu member 7000 an si I, cozah nih minung 100 lawng nan i pum lai tiah oder an chuah hnawh hna caah, an Pastor John MacArthur nih a duh ve lo. Pathian biak ah a rami ka member vialte ka khamh kho hna lo a ti.

US constitution ah zalong tein Pathian biak khawhnak second amendment a kan pek cangmi a si tiah a doh ve hna caah tazacuainak an chuak I nizan ah biaceihtu nih Grace community church nih zalong tein Pathian biaknak nawl an ngei, ahohmanh nih khamnak nawl nan ngei lo” tiah biachahnak an tuah caah khrihfa pawl cu an I lawm taktak.

Cozah nih Zudawr le night club an on ko nain khrihfa biakinn an on duh ve lo caah khrihfa pawl cu an ngeihchia.

Catialtu: Salai Lairamthang

 137 total views,  1 views today

This function has been disabled for Chin 11 News.