Pathian Bochan Nak He Fektein Dir Ding In President Trump Nih A Chim Mi Bia

Pathian hmai dah ti lo, aho hmai hmanh ah kan kun lai lo. President Donald Trump nih “Pathian hmai dah ti lo, aho hmai hmanh ah kan kun lai lo, fek tein kan dir lai, kanmah le kanmah kan I uar lai. Left wing timi, liberal democrats pawl, Socialist pawl, BLM pawl nih US nih kan I uarmi value vialte hrawh an timh, US ram dirhtu hna zei ah an rel hna lo,US rampi caah nunnak thapmi hna zong zei ah an rel hna lo, rampi thantaar, flag zong mei in an khangh.

US tuanbia vialte hrawh dih an timh. US rammi kan sinak cu ahohmanh nih miphun le tuanbia hlun hmang in an kan hrawh ding a si lo: tiah US Independence Day ah a chim. Vawlei pumpi theih in chim ka duhmi cu: US nih philh lonak lungphun kan tuahmi hna hi ahohmanh nih an hrawh hna ding a si lo, ram caah nunnak a thapmi, hero hna hi zei rel loin kan um hna ding a si lo, ram caah an temtuarnak tuanbi vialte zong kan philh hna ding a si lo.

Kan fale zong ram dawtnak lungput kan cawn piak hna ding a si’ Mount Rushmore tlangpi cu a zungzal in a hmunh lai bantuk in kan pi le kan pu hna nih zalonnak caah an I pekchanh mi vialte zong a zungzal in a hmun lai” tiah a chim.

Catialtu: Salai Lairamthang

 190 total views,  1 views today

This function has been disabled for Chin 11 News.