Pastor Sual: An Pastor Pa Nih An Fapa Thluak Tlinglo Mi A Hro Ruangah Hringtu A Nu Le Pa An Ngaihchia I An I Pumh Tawnnak In Ka Dang Chruch Ah Pumh An I Tim Cang

US ram New Jersy i um mi, chungkhar pakhat cu an i khawn peng tawnnak i, an pastor pakhat nih an fapa kum 7 mi Autism zawtnak nei mi, holh hmanh a thiam lomi cu biakinn chungin chuakpi uh tiah a sik hna ruangah an lung a fak ngai.

Hi thil hi Christ The King Church ah, chungkhar pakhat hna an fanu Sophia Baptisma an pek ter lio ah a si i, an i thit chih mi an fapa zawtnak neimi cu bawlung a chuih thawng a thang tuk ruangah pastor pa nih cun, hi ka hin chuak pi uh  tiah a ti hna i, a nu nih cun hi pastor hi mi thinlung put thalo a si tiah a chim.

Hngakchia pa i a nu Julia Vicidomini nih cun ka hngakchiat lio in, sunday school ka kai nak zong a si i, asinain hibantuk ka fapa  zawtnak neimi thinlung fahter ding i, a tuah hi cu thil dik lo a si tiah a chim.

Baptisma a pek hlan zawngah, ka fapa hi a thluak a tlamtling deuh lo mi a si i, na theihthiam a hau tiah ka chimh cia ko nain, toidor nak zong neilo in a van hro hi cu, ka thinlung hi a nuam lo taktak si tiah a nu nih cun a chim. Cu hnu cu, cu ka biakin zongah an i khawm ti lo i, an fapa zawtnak a theithiam mi biakinn poh ah pumh an i tim cang.

 135 total views,  1 views today

This function has been disabled for Chin 11 News.