July 2, 2021, Dipeyian raldohnak ah PDF pasaltha, Tleirawl minung(30) leng an nunnak aliam tiah nihin ah langhter tthan asi. Atu tiang ah a tlau mi, hmuh khawh lomi an um rih pin ah hi nak in a thimi Cazin zong a karh kho rih ti asi.
Lungfaktuk a simi cu “Hi mino PDF rual hna hi raldoh Training a kai lomi an si. Uico Ralkap 200 leng nih Motor le Hriamnam puitling he Dipeyian khuapi an rak luh hnawh ruang ah Lai Meithal te he an doh hna hi si. Cu hmanh ahcun Zenthong le kuan tlamtling in an ngei lo. Tleirawl mino rual, Lai meithal bantuk sawhsawh cu Uico Ralkap nih Bomb le Miakpi he an doh hna” timi vun theih cu Kawlram mipi thinlung a fak hringhran.
An ralthatnak hi upat tlak an si i, Ram mipi zalennak, Democracy, Federal caah tiah nunnak an thap nak thinlung hi philh awk a tha lomi, upat peng ding mi an si. Cu bantuk in raldohnak zong a cawng lomi, ngakchia tleirawl tete a simi PDF mino rual hriamnam puitling he a dohtu Uico ralkap tuah sernak hi ngaihthiam awk a tha lomi asi.
An ruak a rilhnak hmun pawl zoh ahcun thinlung nih a celh lo. Cu caah an ruak taktak cu ralkap minung an lundi a riam tuk sual lai tiah kan langhter lo. Atu hmanthlak kan tar mi pin ah hin tampi July 2, 2021 ah nunnak a pe mi an um rih. Credit: VOM
Leave a Reply