Palik Le Ralkap Thinlung Aa Thlengmi An Um Pah Thluahmang Cang!

Ralkap le Palek cheukhat hna nih an kan tan ve thlauhmah cang, lawm um tuk ko… Palek le ralkap thinlung a thlen mi an um pa thluahmah cang, an social media ah he tiah thazang an kan pek cio ve hna 👏👏 👏 👏…

Ralkap le palek tampi nih mipi an kan dir pi cun kan ram hi that nak lei ah a thlen kho tuk lai tiah zumh um ngai… Tuchan tu palek le ralkap zong an lungfim ngai cg hlan lio bantuk fial mi poh tuah kha an duh ve ti lo ai.. Lungrual tein thazang chuah chin2 ko usih,, teihnak kan hmu deng cg… Pathian sin zong ah ralkap le palek tampi thinlung a thlen kho nak hnga thlacam peng ko usih.. Credit: Laipa Lite

Note: Hi Thawngpang hi keimah catialtu nih ka theih hngalhmi pakhat hmanh a si lo. A si nain kan lung a rawk tuk lio caan ah Group pakhat ah an van post mi a si caah thawngpang dik a si ko ahcun a tha tuk hnga tiah kan post chinmi a si. Palhmi a si sual ahcun careltu nih a ruah zia nan kan thiamnak lai zong kan nawl cia hna! 

Kawl Chiatserhnak (Relchih Awk Tlak Cabia tha): Kawlram pumpi phungki nih lam zawh in duhlonak an rak langhter lio (Saffron Revolution -September 2007) ah khan vuleicung ram 33 in World Human Rights Defenders Conference, Bangkok ah ka rak kai ve lio he ai ton caah Bangkok i um mi Myanmar embassy hmai ah kan rak au ve. Kei hi Loudspeaker tlai i mi zapi au hruaitu ka rak si. Ramkip in an kan telpi. Violent protest ah ai cang sual lai tiah Thailand Police zong nih tanks cung in akan congh.

Cu lio ahcun nu pawl nih an bawngbi chunghnawh an phoih i Myanmar embassy kulh chung ah an hlonh hnawh hna. Kawl phung ah hin nu bawngbi chunghnawh le hni zaar mi tang luh hi chiatserhnak asi rua. Laimi nih hnam tuah mi hna hmunphiah hang hna kan dinh hna i khuachia khuavang kan țhawl phun khin Kawl phung ah nu bawngbi chunghnawh hlonh hnawh cu khuavang țhawl in țhawl khi asi. Mah kan au zan ah hin Al Jazeera News zong nih Kawlram ah General Soe Win thih ka he zong khan ai ton lio asi caah LIVE interview sau ngai politics kong ah an rak ka tuah.

Tutan Kawl ralkap uknak an lak hi an chung ah khuachia (evil spirit) ai hrolh țhan caah cucu mipi nih bongbong le chengcheng tum in țhawl an si. Hi ti țhawlnak nih an chung khuachia achuahter khawh hna lo ahcun Kawlram pumpi nu vialte nih an bawngbi chunghnawh le hni vialte zalamtlang le cozah zung hmai vialte khat in zar hnawh hna seh law ațha. Tu kum chung ah mipi nih Lam zawh aunak nganpi achuak te lai i cu tikah pumpak in ai tel kho lomi nih ti le rawl, hnipuan le adangdang an herh ding paoh kha heh tiah chanh peng ve khawh rak i zuam ahau.

Kawlram minung asimi paohpaoh kan i tel dih ahau, aherh ahcun kan innzuat sațil-arva vialte hmanh khuachung ah thlah dih hnawh hna ding in an um cang. Ralkap hi Innzuat vok le ar hmanh nan tluk ti lo ti langhternak ding ca zong ah…Kawl ralkap uknak kan ram i atuletu achuah lengmang hi ngaihchia lawng asi lo, ningzak tuk zong asi cang. Vuleicung kan hawi ram dang hmai khah zong an si ti lo. Ralkap rian cu pa rian deuh in chiah mi asi i ramvengtu ding an si. Nu nih innchungkhar rian an țuan ve. Cu lio i uknak fir lawng arian mi pa cu nu nih hi ceo hi maw na si tiah a bawngbi chunghnawh phoih in a hmai khat in cheh phu asi ko.

Long Live Democracy In Burma!
Victor Khen Sang
Feb 04, 2021