Paletwa Ram Kongah AA Nih Kawl Ralkap Le Kawl Cozah A Tih Lo, Chin Miphun Tu A Tih Deuh

Paletwa Ram kongah AA nih kawl ralkap le Kawl Cozah hi a pelte hmanh a tih hna lo ii zeihmanh ah a rel hna lo. AA nih a timi cu Ram ngeitu a simi Chin Miphun tu hi a lat za in a tih deuh suamau, Ziahtiah Chin Ram a simi Hmun Paletwa cu Kawl Ralkap le Kawl Miphun he pehtlaihnak pakhat hmanh a ngeih lo caah a si.

Cun,AA Nihin Chin Party si hna seh, Chin Organizations pawl si hna seh,Chin Communities pawl le Chin Churches pawl,cun kan pawngkam Ram hna le UN le US zong Pakhat hmanh a tih hna lo. AA nih a tih cemmi cu Chin Mipi “Aww” Voice le CNF/A lawng lawng a tih hna. Nihin a cangmi Event ca in kan zoh ahcun,CNF/A cu zeidah a tuah khawh ii AA nih cun Zei ah hme a rel an cachuahmi Statement zong zeihmanh a ngaih piak nemmam Duh tung lo tiah kan ti rih khawh ko.

Asinain,a tu kan buaibainak hi luklak in a dih kho le a dong khomi si loin,hmailei pi ca tiang Process in a kal ding le biatak Chuah in ruah a haumi tawlrel a herhmi a si tikah, Chin Mipi kan zate “Aw-khat” bakin kan au khawh ahcun AA zong nih a kan tih bak Lai ii zeimawzat cu thil aa Thleng mi zong a um kho te ko hnga.

Asinain,Chinmi kan caah mah bantuk “Aw-khat” in Aw Chuah le Au ti kho Phun kan si lo caah,a donghnak ii AA nih a Chonh biak mi le Bia a ruahmi,Khua a khaan pimi cu,Zaaraan nih Zei ii kan rel lomi hna “”Chinram le Chin Miphun caah a nunnak a thaap ngammi CNF/A pawl tho an si te ko lai”” tiah Ka zumh.

A tubantuk buaibainak hi kan Chinram Khoika hmun hmanh ah chuak seh ti hi keimah bantuk mihrut cem zong nih kan Duh ciomi cu a si hrim lai lo,asinain Lo kan tuah tikah Lohriang cu Vom le Ngalhriang te pawl le Zu le Va hna zong nih an pamh bik ii an ei bik tawn theo ko.

Cun a rengreng ah Chin Miphun hi a Tu kan sining tein cun,Lung aa rual kho Ding Phun le aa rem kho Ding Phun kan si ti lo caah Kan Chinram Hmun pakhat chung a si vemi Paletwa kan Unau hna Temhtuarnak le Harnak tonmi in Pathian nih””Lungrual le I Rem”” a kan fial ti zongah kan palh tuk hnga dek maw????

Catialtu: Z Tial Thawng

 230 total views,  1 views today

This function has been disabled for Chin 11 News.