Paletwa Ralzam Pakhat Vokkuanglawng Cung Ah Meithal In An Kah Caah A Nunnak A Liam

Paletwa khuapi chung ah ralzam in khuasa a si mi Daw Hawi Khin, kum 76 cu tuzing suimilam 9: 00 hrawng ah khan Meeletwa khua in thiingphurh pah in vokkuanglawng in a rak kir leiah a ho ti theih lo mi hriamtlai phu nih meithal in an rak kah caah a nunnak a liam tiah theih a si.

Hi kong he pehtlai in Paletwa khuami pakhat nih a chim ning ah cun “Tuzing suimilam 8 hrawng ah khan kanhnu deuh mi mei an khanghnak khua Meetletwa khua ah rawl chumnak thing va phurh ding in a kal I a rak kir lei ah vokuanglawng cung I a um lio ah meithal in an rak kah hi a si” tiah a chim.

Meithal kah mi Daw Hawi Khin, kum 76 hi a hawikom minung  7 he Meeletwa khua lei ah rawl chumh nak thing phur ding in an kal hi a si I meithal in an kah hna nak ah amah lawng a rak thih hi a si. Meeletwa khua in Paletwa khuapi ah Daw Hawi Khin hi ralzam in a um mi a si. Kan hnu May 26 ah khan Meeletwa khua cu mei an khangh piak dih hna ruang ah le kahdoh nak ruang ah Paletwa khuapi chung ah an rak zam dih hna I harsa ngai in an um hna.

Ref: Chin World Media

 220 total views,  1 views today

This function has been disabled for Chin 11 News.