Paletwa Myoh Pawng Ah An Chiah Mi TV Tower Cu AA Ralhrang Nih An Hrawh Piak Dih Hna

Paletwa myoh pawng tlangpar ah an chiah mi TV Tower hna cu AA ralhrang pawl nih nizan May 7 ah khan an kan hrawh piak dih tiah Paletwa myoh chung ah a um mi nih an chim.

Hi kong he pehtlai in Paletwa myoh chung ah a um mi pakhat nih a chim ning ah cun “Paletwa myoh chung ah TV Tower hna cu nizan zamtim ah khan a rawh hi a si. TV Tower kan chiah nak tlangpar ah TV Tower an um ti hna lo, hika hmunhma hrawng hi AA ralhrang pawl an rak um nak hmunhma zong a si caah anmah lo nih cun a hrawk ding an um lo. Hi TV Tower hi acozah lei nih an kan tuah piak mi a si caah AA ralhrang nih an hrawh bia a si ko” tiah zong Paletwa khua mi hna nih cun an chim.

2020 kum thok hrang khan cun Tatmadaw le AA ralkap karlak ah faktuk in kahdoh nak a chuah lengmang hnuin Tatmadaw nih AA cu ralhrang ansi tiah an ti hna hnuin kahdoh nak zong hi a zualhma chin lengmang nak a si tiah zong an chim.

Paletwa pengkulh chung ah kahdoh nak a zualhma tuk cang ruang ah Paletwa, Sami le Miza khua hrawng ah ralzam a phan mi hna hi minung 9000 an si cang hna. Cu ralzam 9000 hna cu sianginn, biakinn le inn ngan deuh mi hna pawl le chungkhat pawl sinah a si khawh chung in an um ve hna tiah zong theih a si.

Ref: Chin World

 170 total views,  1 views today

This function has been disabled for Chin 11 News.