Paletwa Chin Unau Authawng: Chin Ramkulh Khua 5 Ah Bomb In Kah Kan Si Hi NLD Cozah Nih Nan Thei El Maw?

Tatmadaw nih Chin ramkulh chung khua 5 ah faktuk in bomh an thlak mi ruang ah Chin miphun hna cu a bubu le a tomtom in hmunkhat ah an nunnak a liam cuahmah lio caan le cheukhat nunnak ruah ah a zaam mi hna nih zingzan e-din tirawl kong ah hnabei dong in an um lio ah hin zalen nak le nuhrin covo kan dirpi ko an ti ruang ah mipi nih vote pek mi hna NLD hruaitu lutlai hna le NLD cozah nawlngei tu hna hi zeitiang hi dah dai tein nan um ko rih lai.

Yangon pengkulh chung ah Tatmadaw nih Chin ram bantuk in bomb kap ve hna sehlaw mitchimh in maw nan um ko lai i daitein nan zoh sawhawh kho ko hna lai maw. Tatmadaw nih nawlngeih nak sangbik a ngeih ruang ah hinmaw a duh ning paoh in ramchung mipi cung ah thahnawn nak a tuah khawh peng rih ko lai, NLD cozah le ram ukbawi nih zeital tlangtlak khawh mi nan ngei hna lo maw.

Tatmadaw nih an thah mi hna hi an duh ning paoh in zohchia an tuah hna zong ah holh loin nan um ko rih lai maw. Tatmadaw ruang ah ralzam pawl hna hi teh rawltam tihal in an nunnak liam ding hi a poi ah nan ruat ve lo maw. Rampi budget a tlawm tuk caah mipi thancho nak a har ko ti lawng hi maw nan chim peng ko lai, hi bantuk dirhmun nan phak khawh nak hnga ding ah vote an petu hna mipi nunnak ding hi nan philh cang hi nan nih cu thlahlawh tha le hmunhma tha ah kan i chiah hna hi zeiah nan kan rel piak lo.

Pulrai zawtnak ruang ah Malaysia cu Lockdown an tuah dih caah PM thlahlawh cu thla hnih chung pek loin ram mipi caah an hlut mi zong khi a nunzia nan i cawng kho ve lo maw. NLD cozah cu dirhmun tha le hmunhma tha ah kan i chiah cang hna caah mipi cu zeiah nan kan rel tilo.

Source: Southern Chin

 225 total views,  1 views today

This function has been disabled for Chin 11 News.