Paletwa Ah SAC Ralhrang Thil Tuah Cu Ngaihchia Taktak A Si Ko

Paletwa ah SAC nih ti lam a phih caah thil man a kai tuk
2022 August 8 – Chin ramkulh, Paletwa ah SAC ralkap le AA karlak ah kahdohnak a chuak i SAC nih Kyaukdaw-Paletwa ti lam cu August 1 thok in a phih caah thil phorh khawh a si ti lo i thil man a kai tuk tiah theih a si.

Kyaukdaw-Paletwa ti lam phih a si caah thil a phormi tilawng pawl a kal khawh ti lo bantukin zarhkhat ah voikhat a lutchuakmi SAC tilawng zong an kal ti lo caah fuel (datsi/diesel) a dih i adang thilri man zong let thum a kai tiah Paletwa khuami nih DVB ah an chim.

Paletwa peng ah August thla thok in SAC ralkap le AA karlak ah kahdohnak a chuak i SAC battalion 289 nih kahdoh a chuahnak hmunhma pawl ah hriamngan in a kah i thazang zong a chap lengmang tiah khuami hna nih an chim.

Paletwa peng August 2 ah SAC ralkap nih kah ruangah siahngakchia 2 an thi i siahngakchia 3 an rak i hliam.
Paletwa ah SAC nih ti lam a phih caah thil man a kai tuk

Relchap>>>>>>>KNU nih SAC ralhrang Helicopter an kah, hman awk ttha lo in a rawk kho men

Tuchun ah KNU nih anmah a rak kap tu SAC ralhrang Helicopter cu an kah va caah a rawk deuh caah a rannak in an ttum pi colh tiah KNU nih an langhter.

Hniang 8 zing sml 10:00am hrawng ah KNU brigade 3 hmunram ah ra in heh tiah pasalttha pawl a kaptu ralhrang Helicopter cu an kah ve caah a Seh tlamtlin deuh ruangah a rannak in an kir pi i an ttum pi colh tiah KNU nih cun an langhter.

Ralhrang Helicopter 2 cu ra in KNLA ralkap pawl cu heh tiah an rak kah hna, cucaah an hei kah ve caah Helicopter pakhat cu an khen.

SAC ralhrang nih Helicopter hmang in an kah len ko hna nain mizapi ralkap kheng hleng loin thingkung lawng a khen ee tiah an langhter chap.

KIA le PDF fonh nih SAC ralhrang camp 2 an lak khawh
KIA le PDF fonh nih tuzing ah SAC ralhrang le pyi thu sitt camp 2 cu ralttha taktak in an va kah hna caah an lak khawh tiah theih a si.

Hpakan khuapi peng Say Zin khua le Shwe Pyi Tit khua ah a um mi SAC ralhrang le Pyi Thu Sitt camp pahnih cu tuzing Hniang 8 zinglei sml 1:00am in 5:00am tiang bak KIA le PDF nih an kah hna hnu ah an lak khawh tiah khuami nih an chim.

Hi camp ahhin Shanni National Army (SNA) ralkap pawl zong an um ve tiah an langhter.

Hi kahdohnak ah mithi le hliamtuar zat fiang in an langhter lo.

Be the first to comment

Leave a Reply

Your email address will not be published.


*