ယင္းမာပင္ myo ah a um mi Ralhrang Palek bawi pakhat cu nihin August 20 ah an sakhaan um mi thilripawl le an neih mi thil pawl , Paisa ting 490 le Hriamnam zenthong 120 he mipi vengtu mipi ralkap PDF sinah a zaam i CDM ah a lut tiah theih a si. …crd..zaw myo niang…
Relchap: August 20, Karenni PDF nih Uknak thalo a hramphuukti ding ah SAC ralkap pawl an sawm hna, tiah theih a si. “Rammi mizapi sin ah aa fon mi SAC ralkap cu a nunhimnak kong ah tuanvo kan laak lai i mizapi sin in hmuh mi laksawng (tangka) zong pek a si rih lai,” tiah KNDF nih an thanh.
Myanmar ram tuanbia a dotdot in zoh tik ah ralbawi hna nih anmah rum nakding ruah ah an kuttang ralkap hna nunnak, thisen le thlanti he rian an tuanter hna kha hmuh a si ca ah KNDF sin ah i fon ding in an sawm hna.
MAH le a milaang pawl nih nawlngeihnak an fir hnu thla 6 chung ah CDM a tuah i mizapi sin ah a dir mi SAC ralkap hi 1500 hrawng an si cang tiah ralbawi pakhat nih a chim bal, tiah Khit Thit Media nih a tial.THT
Relchap: Kawlram Dirhmun Cu A Tha Lo Ngai Tiin Vivian Balakrishnan Nih A Chim Kalram ramkhel buainak pin ah covid-19 zawtnak ruangah an dirhmun a tha lo ngai tiah Singapore foreign minister Vivian Balakrishnan nih a chim.
Atu tiang SAC ralhrang cawlcanghnak dinh an i tim rih lo, ramkhel kong he an tlaih mi hna zong an thlah rih hna lo. Buainak he a peltlaihmi hna kar ah chawnhbiaknak zong pakhat hmanh a um rih lo.
Chawlehnak zong a tumchuk lio pi a si, covid zawtnak phundang delta variant ruangah mipi harsatnak tampi an tawn lio a si tiah Balakrishnan nih reuter news agency ah nihin August 20 biahalnak ah a chim.
Kawlram buainak tawlrelnak dingin ASEAN palai Erywan Yusof cu Kawlram ah a kal khawhnak ding le buainak he a pehtlaihmi vialte hna he ton dingin a zuam cuahmah lio a si i, November thla ah tuah ding mi ASEAN summit hlan ah thanchonak pakhat tal a um lai ka zumh tiah Singapore ramdang vuanci nih a chim.
NUG kong he pehtlaih in Mr. Balakrishnan nih lam kan on peng ko. Khatalei ca awng ruat in kan tuahmi a si lo, mi vialte he pehtlaihbin kan tuah lai ti zong an theih ko. Chawlehnak kharphih piak thawngin an i remh lai lo, mipi lawng an tuar-ing te lai.Ralhrangbu nihcun anmah te lawng um hi an duh deuhmi a si caah san a tlai tuk lai lo.
ASEAN in Kawlram chuah ding hi kan ruat bal lo. Ramdang kongah va thlak zong kan duh lo, nain ASEAN nih a si khawhnak lam kawl kan duhmi a si. Singapore foreign minister nih mah biahalnak vialte hi US vice president Kamala Harris nih Vietnam le Singapore a tlawn lai ni 2 a duh ah a chim mi a si.Ref; VOA
Leave a Reply