Sintgaing Palek pathum an i vel i a tlaitu Deputy Sergeant meithal in an kah i a thi. August 10, Kyaukse Pengkomh Sintgaing khua Palek sakhaan ah palek 3 an i vel/vua i Deputy Sergeant (Duh-Tatciat) pa nih a then hna nak ah amah tu meithal kahnak in a thi.
Zaan sentari (sentry)congh ding ah a dir mi Naing Tun, Naing Lin Tun le Yan Naing Tun cu an i vel/vua i ka then hna a ti nak ah Duh-Tatciat Hla Min Kyaw cu a tang ah meithal in an kah i a thi.
Relchap: Kawlram khuapi bik Yangong le Mandalay in raltuknak hi a thawk ko cang hih tiah mi tampi nih an chim. Auguast 6-9 tiang ah Yan gon ram then le Yangon khuapi chung ah nichiar tiawk in bomb a puak i, kahnak zong a um cang. veng thenkhat ah bomb an puah hnawh hna i kahnak a chuak nak hmun a um pah.
Mandalay khuapi zongah Palek sakhaan pathum le sipin zung tiangin, PDF nih bomb an puah hnawh hna i, mah hna khuapi hi a dai ngai dingah ruah a si bnain, ram then siseh, khuapi chung le veng tampi ah bomb puahnak le kahnak a chuak cang.
August thla chungah Mandalay le Yangom ramthen ah kahnak le bomb puahnak hmun tampi ah a um i, PDF pawl an thazaang a thawnnak hmun zong a si le a si ko lai tiah zumh a si. Cun hmundang myone kip nih PDF cu an van kawp tiakah an thazaang a thawng tuk cang tiah theih a si.
Mandalay khuapi chung bakah bomb voikhat puak ah hmun thum ah a puak tiah theih a si, August 9 zaan tim ah bomb a puah hi a si i, Sipin zung zong ah a ral puak ve tiah theih a si. Yangon le Mandalay PDF an thawng a si ahcun ramchung ral kan thawh mi hi fawi ngaiin kan tei ko cang hna lai. PDF kut cungah hriamnam hi a tlawm rih caah duhning in an cawl kho rih lo.
Leave a Reply