Palek A Rualpi A Vak Mi Hna Cu PDF Nih An Phomh Hna I Hliam An Tuar Dih, A Thimi Zong An Um

Gangaw PDF Nih Palek An Kah Hna Hnu Ah Ralhrangbu Mawtaw Bomb In An Puah Nihin August 23 zanlei suimilam 2 hrawngah Magwe ramthen Gangaw peng east road, dot 3 lamkawi ah palek petroling an vah lio ah Gangaw PDF nih an kah hna i palek 1 a thi, 10 hrawng hma an pu tiah khuami sin in theih a si.

Cu hnu zanlei suimilam 3 hrawngah Pale in Gangaw – Kalay lei ah a rak kai mi ralhrangbu mawtaw 8 cu Gangaw PDF nih bomb in an puah than hna i mawtaw 3 a khen tiah theih a si.

Ralhrangbu mawtaw hi Mauklin lampial le Thehlaw khua kar ah bomb in an puah hna hi a si i, pawngkam khua hna cu an luhhnawh hna i, an tlerhkhonh hna tiah theih a si tiah iDigital news nih a tial.TCP

Relchap: NUG, CRPH le PDF bawmtu poh ralhrannak upadi in tazacuai i Dalaan poh tangka laksawng pek ding hal

SAC nih NUG, CRPH le PDF bawmtu poh tazacuai i Dalaan poh tangka laksawng pek ding le cu kong cu mizapi sin ah thanh ding in SAC chungtel hna nih August 23 ah tuah mi SAC meeting ah an hal.

Hi biatung dirh in a haltu hna hi SAC chungtel Dr.Bangyia Aung Moe, U Thein Nyunt, Mahn Nyein Maung, U Khin Maung Swe, Jeng Phang Nawtaung, Daw Aye Nu Sein, U Sai Lone Sai le U Shwe Kyein hna an si, MRTV nih a thanh.

Cun, PDF pawl raltuk a cawnpiak i hriamnam zong a bawmtu Tlangcung hriamtlai pawl kham ding siseh, atulio SAC kuttang ah rian a tuan mi hna upatnak roca pek ding zong an halchih, tiah MRTV nih a thanh.

(#Ralrin peknak: Thawng kan leh mi hi “Laica-The Hakha Times” tiin credit na pek duh tung lo ahcun copy paste i lak in nawnnok chin kan duh lo, tiah ralrin kan in pek).#PhotoThanLwinTimes; THT