Opposition A Thawn Ve Lo Ahcun Cozah A Fel Kho Taktak Lo!

State Cozah pek,rampi cozah pek a si ah opposition a tthawn ve lo ahcun Cozah a fel kho taktak lo Aanasin (dictator) phun in mipi an kan hruai/an i chuah duh tikha an hmuh,cucaah USA ram, Europe hna nih vote an thlak tikah mah cucu an zoh le biapit tngaimi si.

Tahchunhnak pakhat: USA ram ah party ngan pa hnih an um,party pakhat nih cozah a tlaih ahcun asung mi party chungin,House lo le Senate pakhat poah an tthawnter hna,a ruang cu dotu kalhtu an um lo cun Cozah tlaitu party hi Aanasin (dictator) ah an i chuah sual lai tikha an ttihtuk.

Tahchunhnak pahnih: Tulio Mizoram kan unau cozah tlai lio cu MNF party an si,party dangin MP a tlingmi hna cu opposition an si tikah Pu Lalduhoma opposition leader (dokalh) tu hruaitu asi tikah MNF party nih anmah duh ning poah in thil an kalpi kho dih lo,mahti opposition party an tthawn caah Cozah tlai lio kha tampi an remh khawhmi a um, diknak lamah an merh khawh mi aum len. Ziknawh eihmuarnak (corupption) hna an zor ter khawh.

2015/2020 Chin state COZAH cu Asian Foundation nih ziknawh eihmuar(corupption) tamnak state si tiah vawleipi theih ah a thanh.Krihfa 85% umnak ah mah btk a chuah cu a mak nan ti cio ko lai dah! Chim duhmi cu, kan ti khawhmi si ko caah kan ramthatnak dingah ramtthangcho nih tuahmi mah btk thiltha hi hmailei ahcun i cawn ve ding asi cang.

A cunglei ka langhter mi hi thil hme te ah a ruatmi kan um sualah,mah btk hi thil fate asi hrimhrim lo,thil lianngan le biapi tukmi a si.Amah khi kan dawt e kan tinak ah aanasin (dictator) ah kanmah lila nih kan chuahter lo hna hau.

Note: Hmailei ah mah btk lungput neite cio usilaw kan ram a dam chin lai timi saduhthah khi a si ko.Hnursuan mi a um lo. Credit:William HC