Nusal Tha Chin Chin Pekthang Cu CNLD In Miphun Caah Pyine Hluttaw No. 1 Aa Cuh Ve Lai

Nizan ah thilcang mi ruang ah Chin ram chung CNLD thazaang a petu hna tampi cu hmaichia le lungrawk in um dih a si. CNLD thazaang pek a duh ti lo mi hmanh ceilak an rak um manh cang hna sehlaw theih lo a si. Cu tluk in lungrawk le ngaihchia in a um mi hna CNLD members dihlak caah nihin cu niceu dawh le thawngpang tha tuk a hun thang mi nih mi tampi thazaang a kan pek than.

Cu thawngpang tha tuk kan theih mi cu Pi Chin Chin Pekthang “Thantlang khuanu khuapa in upa cheukhat le hawikom rual nih Thantlang Peng in Candidate luh ding an ka fial caah tampi kai lawm. Ka phutawk lo in atu bantuk in sawm ka ton caah kai lawm khun.

Kei zong ramkhel lei ah ka si khawh tawk in ai pe zungzal mi le miphun caah ka tuan khawhnak lam in tuan ka duh peng rih caah nan ka fialnak paoh ah hmanrua si kai zuam lai. Pathian nih caanrem a ti i a hnatlaknak a si ahcun kei zong thlacamnak he timhlamhnak ka ngei lai. Thlacam nak in rak ka bawm ve uh law. Nan dihlak cung ah tampi kai lawm” tiah a rak tial mi hi a si.

Hi kong he pehtlai in The Chinland Post nih an langhter ning ah cun “Thantlang Peng CNLD Pyine Hluttaw No. 1 in Chin Chin Pekthang Aa Cuh Lai” tiah an rak langhter cang. CNLD caah cun thawngtha tuk a si cang ne.

Source: Chin Chin Pekthang’s FB

 182 total views,  2 views today

This function has been disabled for Chin 11 News.