Nupi Pasal A Ngei Cangmi Nih Cun Theih Bak Dingmi Si Hih!

Charles Le Lady Diana hi vawleicung thit-umh lakah sunglawi bik in a tuah khomi an si. Fa pahnih an ngeih hnu ah pakhat le pakhat i ti hramnak le i unhnak an ngei ve tawn.

Dawtnak tu in tei i zuam ding kha keimah duhning nih tei seh tiin an tang veve. An pa nih an nu ka ti hram tiin nungaknu dang a ngei. Cutikah an nu zong nih tlangval dang komhmi a ngei ve.

Cuticun lung i thumh i rem lei si loin an i unhcan a sau tuk ruangah sehtan caan tha an pek sual i an nu thihnak tiang a phan. An nu a thih hnu ah an pa nih an nu zun a ngeih tuk than i lungrawk ngaingai in a um an ti.

Sihmanhsehlaw a tlai tuk cang, zei thahnem ti lo. Cucaah a hohmanh suatuk in i unh sual hlah uh. Sehtan nih caan tha a hmuh sual ahcun nan tei kho ti lai lo. A si ka tein thlarau thawngin tei colh lengmang ding a si.