Nungak Tawtawk Tongh Ruangah Rian In Chuah A Tongmi Tlangval!!

Singapore gym chimtu nih nungak taw-ttawk a tongh lio cu online ah an lar ngai. Nungak cu mithar a si caah gym ah a kal nak ahlan rih lo, a sinain kan thei ban tuk China virus nih lengchuak kho loin vok erh le ar erh in, mah inn chungcio ah kan i erh hna, inn um peng cu taksa zong a fak cu caah ngaknu no te zong cu a taksa i zaangter deuh ding in gym ah cun a kal.

A chimh tu pa David Mesut nih cun an cawl-cangh ning cu a chim. Cuti i a chhim lio ah cun nungak-nu taw-ttawk a muai piak pah leng. Gym chim tu pakhat nih a hmuh hna i a ruah ning atha lo, zarhnin a liam hnu ah David Mesut a cawl-cangh ning cu a tha lo tiah theih a soi colh.

Video araklak mi cu a thup i nungaknu sinah cun, Na syapa a cawl-cangh ning hi atha lo tiah a chimh. Nu ngak-nu nih cun a si tak hi a ka tongh lio ah khan ka nuam kho lo, ka taw-tawk muai lo ding in ka chim ko nain, na tawk ka muai aherh tiah a ka ti, na taksa a um ning a tha le tha lo ka theih khaawh nak hnga na taw-tawk hi ka tongh hrim hrim a herh tiah a ka ti.

Nungak-nu cu David Mesut sin ah gym kal cu a duh ti lo, palik sin ah complain duh lo, nain midang fimchim tu ah ti in video cu FB ah tarlangh ter ding in a ti hna.

Online ah an tar mi cu, mi tampin nih soisel le thangchiat a hlawh ngai, like le commnet zong tampi a nei. GYM company Apeiro performance nih cun David Mesut cu a rian tuannak in an chuak i, hi hnu ah cun kan i ralring cang lai tiah an chim.

Cu tikah, David Mesut cu lungtling lo i bia hmaan lo an ka puh tiah a ti hna, training kan tuah hlan in a herh mi pawl cu ka chimh dih cang, a mah zong nih ka theithiam ko tiah Asiaone sin ah cun a chim. Cun, bia hmaan lo in an puh ruangah palik sin ah complain ai timh tiah theih a si.( A hodah a palh i, aho dah a hmaan)?

Relchih Cabia: – Pu Hrang Nawl An Tluk Lonak A Ruang Pathum!!
1. Pu Hrang Nawl cu bia hman, bia dik a tanh. thuhpheh mang lomi, mi duapdap lo a si. A si lomi a si lo tiah mi mithmai zoh loin a ti ngammipa a si. a mah zong ka palh tiah a ruahmi cu ka “ka palh” tiah fiang tein a cohlang le a chim ngammi a si. mi mithmai zoh in biakhiahnak a tuah bal lo. Hihi midang nih kan tluk khawh lonak tiah ka ruahmi pakhat a si.

2. Pu Hrang Nawl cu a mah le amah zumhnak, boachannak(self confindence) a ngei taktak mi pa si. Mi tampi cu kan theihhngalh a tlawm tuk caah maw a si, zeiruang bik dek a si hnga mah le mah zumhnak ngeimi kan tlawm. Pu Hrang Nawl cu thate in a ruah hnu ah a chim , a chim mi cungah fekte in a dir. zawndamh in bia chim mi le a khiahmi a si bal lo. a mah le amah fekte in zumhnak, bochannak a ngei taktak mi a si. hihi pu Hrang Nawl midang nih kan tluk lonak tiin ka ruahmi pahnih nak a si.

3. Pu Hrang Nawl cu pa raltha, harnak a ing kho taktakmi, zumh awktlak hawikom tha a si. kawl cozah doh dingin tapung a si ruangah paraltha ka ti duhnak a si theng lo. Amah nih a dik, a hman a timi cungah cun aho pasal hmamh a kian lomi, paraltha a si. mi za pi nih kan hmuh bantuk in , a no deuh lio ah cun bawngbi tlepte in hnur lomi cu aa hruk duh lo. sihmanhsehlaw, Pu Hrang Nawl cu thilpuan rep lo, umnak innrep hmanh a ngei lo nain cu harnak nih cu a pelt hmanh a dawn lo. Harnak le sifahnak tiang zong a ing kho taktak mipa a si. Hi kong hi zapi theihhngalh a si ko. Mi dang caah zawnruahnak a ngei i, midang caah harnak in a zuam mipa a si. (Chim ding dang ka ngei len rih nain pathum in na ti caah)