Nungak Nu Cu An Boss Pa Nih A Ti Ning A Fak Tuk Caah A Mah Tein Athat!

Malaysia Nungak Kum 20 Nu Te Cu Siangapore I A Riantuannak Ah An Boss Pa Nih Lung Nuam Lo In A Tuah Peng Caah A Celh Ti Lo I A Mah Le A Mah A Nunnak A La

A Chung le nih an fanu te thihnak kong cu kan zoh sawhsawh lai lo tiah an chim. kan fanu hi diknak a hmuh khawhnak dingah zeipoh kan tuah lai tiah an chim chih.

Malaysia nungak tleirawl nungak kum 20 nu te Catrene Khoo hi ni kum 2019 December thla ah khan a mah le a mah a that i, a awk nak kong he pehtlaiin a riantuannak Company cu mawh phurh ter an si.

Catrene Khoo kong ngaichia taktak mi kong hi Facebook Page pakhat’ Save us from SLM Vxxxxxcare Singapore’ ah an tar fawn.

August 1, 2019 inkhan Catrene hi Singapore ah Eye Care company pakhat SLM Vision Care Singapore ah rianttuan hram a thok. A hringtu a nu nih a chim ningah cun Company an Boss pa Darren Yo nih hin zeirel lo le nihsawh thlanglamh in bia chiakha he a hro peng caah a mah le a mah a nunank a la hi a si tiah a chim.

Catrene a rianttuan nak an Boss pa nih cun A nu nih a fanu thihnak kong i a puhnak ah hin, an Boss pa Darren Yo nih cun Catrene kha a riantuan that lo ruangah a rian in a dinh ter nak kong a chim. A thih hnu pi i mah bantuk thil an tuah hi cu an phuahcop le ka min chiatnak an kawl duh caah a si tiah a chim. Ministry of Manpower lei nih cun Case hi biatak te in an tawlrel cuah tiah theih a si.