NUG Nih Thawng An Thanh Bakin Madalay Palek Minung 120 An Rian An Chuah Tak I CDM Ah An Lut

Tuni September ni 7, 2021 ah Mandalay khuapi ah a um mi palek chungin minung 120 cu tuzing NUG cozoh nih ral kan tho cang lai tiah thawng an thanh mi an theih bakin CDM ah an lut hna tiah theih a si.

Mah CDM ah a lut mi minung hi Madalay khuapi ah a um mi an si tiah theih a si i, NUG nih nihin thawngthanhnak an tuah in caan tlawmpal ah CDM an tuah hi a si tiah theih a si…crd.. Win Kyaw

Relchap: Tuzing September 7 ah NUG nih D-Day a thanh cang caah a hlannak in kahdohnak zong a chuak kho mi a si. Mah ruangah ralrin tein um dingin KIO chimnak nawlngeitu Col. Naw Bu nih mipi sin ah bia a cah.

Col. Naw Bu nih NUG cathanh he pehtlaih in KIO nih zeihmanh ruahnak kan chuah rih lo nain, hmunkip ah kahdohnak a chuak kho mi a si caah mipi ralrin tein um a herh ti chim ka duh.

Kahdohnak a chuak te ko lai. NUG le PDF nih zeitluk dah rian an tuan khawh ti mi cu mipi cungah a hngat ko.Rampi huap in an thanh mi a si tikah atu nak tam in kahdohnak a chuak te kho mi a si.

Kachin le Sagaing ramri KIA le ralhrangbu i kahnak ruangah ralhrangbu hna nih nuhrin covo an buar nak kong he pehtlaih in mipi nih thawng an thanh lengmang a hau. Bu pakhat khat sin ah thawngthanh hi a biapi ngai mi a si. Kan dihlakin kan tanti a herh tiah Col. Naw Bu nih the 74 media sin ah a chim.TCP