NUG Nih Ralthawh Ding A Thanh Niah A Nih Aa Chuak Ter Men Mipa SAC Ralbawi Cu Nihin Ah An Kah That

NUG nih D-Day an thanh bak ah zeirel lo i a nihchuak mi zei rello ngai in NUG a nih men tupa SAC ralhrang bawi pakhat cu nihin september 8 kahdohnak ah faktuk in a nunnak a liam tiah theih a si.Crd..zaw myo

Relchap:Kachin ramkulh, Tanaing peng Lajabuam le Shinlungga khua kar ah ralhrang phu le KIA kar ah nihin September 8, zinglei ah fakngai in kahdohnak a chuak, ralhrang phu lei in minung 4 an thi, hliam tuar mi tampi an um tiah theih a si.

Ralhrang phu hna nih phunhnih then in an kai lio ah KIA nih bomb in an doh hna tiah kahdohnak kong he pehtlai in neihniam pakhat nih The 74 media ah a chim.

” SAC lei hmai an fong hmasa ,phuhnih then in an kai, hmai kal phu hna he thil cang hi a si.KIA nih bomb in an puahhnawh hnu ah kaphnih kar kahnak a chuak. SAC lei in minung 4 an thi, tam ngai nih hliam an tuah tiah theih a si. A tu ah ralhrang phu hna nih Shinglung le Lajabuam kar ah umhmun an khuar” tiah a chim.

Ralhrang phu hna cu minung thazaang 100 leng raltuk nak ah an i tel, 260 tat-yin-hmu nih a tel pi hna tiah a chim chap.

Tarung khua ah cuhlan cun ralhrang phu hna nih umhmun an khuar nain hramhram nawlngeihnak lak hnu ah KIA battalion 45 nih a zohkhenh tiah theih a si.

Ralhrang phu hna nih raldirh in an um caah Tanaing-Shinbuaiyan motor lampi cu September 7 in KIA nih umkal an phih tiah theih a si.The 74 Media;TCP