NUG, CRPH, PDF pawl Cawlcanghnak Kan Duh Lo An Ti I SAC Ralkap Ah An Lut Thluahmah Hna Tiah Ralkap Nih An Thah

CRPH NUG PDF pawl cawlcanghnak cu a duh lomi mipi an tuk caah SAC ralkap ah lut dingin an min an pe cuahmah hna tiah SAC ralkap lei rian in a din cang mi pawl nih an chim.

PDF pawl an mino um dan le an sam stule pawl cu an soisel hna pinah, an hruaitu pawl cu ralkap bang pawl nih an soisel hna.

An i timh bik mi pakhat cu i titer in khuachungah um in an that lonak kong cu mipi sinah an tar hna. An i tinh bik mi cu mipi dehhleng a si nain mipi deh khawh ding cu an i zum lem lo tiah an chim.Pala Burma

Relchap: October 27, 2021
Hakha hrambunh LIB-266 ralhraang Battation nih Sagaing ramthen, Tamu ah an chiah mi Outpost sakhan in Sergeant Cazi pakhat cu hriamnam he Tamu PDF Battalion No. 1 ah aa dor tiah theih a si.

“Sergeant pa cu September 18 ah kan sin a phan cang. Himnak ruah ah atu lawng ah thawng kan thanhnak a si. Amah he aa tlak mi tangka laksawng kan pek hnu ah a himnak hmun ah kan kuat cang. Hi hnu ah CDM a rak lut ding mi rammi ralkap pawl zong lunglawm tein kan in don hna ti chim ka duh,” tiah PDF-Tamu, Battalion No. 1 in Bo Ba Hman nih Mizzima ah a chim.

Sergeant pa min cu Khaw Ka Ling (Kawl ca in tial mi Laica in tial than a si ca ah cafang fonh a palh kho) a si i ralkap a tuannak kum li a si cang. Hakha hrambunh LIB-266 battalion in a si i A voi 18nak Sergeant Clerk training a kai mi a si.
MA-3 meithal zun khat, zenthong zeimaw zat, kut cheh bomb pakhat a rak i put i PDF-Tamu, Battalion No. 1 ah a rak ap.

“Pumpak hlawknak ca ah ram uknak a chuttu hna kuttang ah riantuan ti lo in, rammi nih dawt mi ralkap si ding ah rammi lei ah raltha tein CDM rak tuah ding in forhfialnak tuah ka duh,” tiah Sergeant Khaw Ka Ling nih a chim.

Rammi an thah hna i ralkap kan luh ka i an kan cawnpiak mi pawl he an tuahsernak aa kalh tuk, rammi huat mi minung si ka duh lo ca ah CDM ka tuahnak a si tiah a chim.

Ralkap nih uknak hraamhraam in an lak hnu in Tamu peng chung ah CDM a tuah mi ralkap 14 le palek 35 an si cang tiah Pyithu Yinkhwin Program hruaitu pakhat cazin ning in theih a si.
Credit: Mizzima, THP

Be the first to comment

Leave a Reply

Your email address will not be published.


*