Dothlennak a thawn i hlawh a tlin khawh nakhnga a rauh hlanah ngunkhuai (tax) laknak kan tuah lai tiah NUG i Projects, Financial and Investment vuanci U Tin Tun Naing nih August 24, online press conference ah a chim.
Ral le rai lakah mipi cash thilrit a si nakhnga lo tuah kan i zuam lai. Hihi NUG nih tangka kan hmuhnak lam pakhat a si i cun ramkhel ukhruainak hrimhrim ah ngunkhuai cu um lo awk tha lo a si caah kan tuahmi a si tiah U Tin Tun Naing nih cun a chim fawn. Hi kong he pehtlai in min chim a duh lomi mirum pakhat nih cun “NUG nih ngunkhuai timi tlangtar in an tuah ahcun mipi thapeknak a zorchuk kho. Myanmar mipi hna hi ngunkhuai kongah kan chambau tuk rih, cu pinah rambuai le rai thalo a tlun lio a si tikah ngunkhuai timi tlangtar in si loin bawmhhalnak phun in kal hna sehlaw a tha deuh tuk hnga” tiah a chim.
U Tin Tun Naing nih cun ngunkhuai hi SCS system in kan lak lai. Zeizat dah pek a si lai timi kongah NUG nih kan khiak lai lo i rianngeitu hna nih an khiah lai tiah chimfiannak a tuah.TCP
Relchap: India Nih Russia Sin In Hriamnam Tam Ngai Cawk A Timh India nih Russia sin in AK- 203 riffles 70,000 le Kamov- 226 utility helicopter cawk a timh tiah India official hna nih an chim.
Hriamnam hi a voikhatnak a man an pek hnu thla 3 chungah pek ding a si lai i, thla 6 chungah i pek dih dingin hnatlaknak an ngei.
India nih a cawk dingmi K1-226T helicopter hi a muisam le a thilri hman mi pin ah a hlan nak in zaang deuh le rang deuhin remh mi a si tiah deputy head of commercial department Vasily Grydin nih a chim.
India ralkap nih Russia sin in AK- 203 hi zun 7.5 leng cawk dingin 2019 ah khan Inter-Gevermental Agreement (IGA) an rak ngeihcia mi a si.Mah hnatlaknak ningin Indo-Russian Rifles Private Limited (IRRPL) tangah Korwa, Uttar Pradesh ah meithal ser ding a si i, kum 2015 ah khan Ka-226T twin-engine utility helicopter cawk nak ding $ 1 billion leng hnatlaknak an ngei.
Hnatlaknak ah helicopter 60 cu Russia sin in lak ding a si lai i, 140 cu joint venture India-Russia helicopters limite le Hindustan Aeronautics Limited hna nih India ram ah ser ding a si.
India ralkap hna nih an hman mi Cheetah le Chetak helicopter hna cu a hlun deuh cang ruangah thlennak ding caah Russia helicopter hna hi kan duh mi a si tiah India defence ministry nih a chim.Ref; the aizawl post
Leave a Reply