National Unity Goverment (NUG) nih ralthuam caknak in kan i timtuah cuahmah tiah an chim. Khuachung ah PDF vialte le ramtangah training a kai mi pohpoh cu ralthuamtlig kan pek dih hna lai tiah an thanh. (NUG) cizah Defense Minister U Ye Mon nih cun fianhlang tein thanhnak a tuah.
Khuachung um mi le hmundang um mi PDF sinah theihternak kan nei dih cang tiah a chim. PDF lawng sinah hriamnam pek loin a sawhsawh khuachung um mi PDF zawng hriamnam kan pek dih hna lai tiah kan i theihter dih cang tiah an chim. Hmunkip in kan i bawm cio hna lai tiah NUG Defense nih RFA sinah a chim.
NUG cozah nih cun PDF ralthuam a tlaimi poh felfai tein theihternak an tuah . Nichuahlei PDF le nitlaklei PDF felfai taktak in Headquater hmun 5 an neihnak kong le Training an dih cang nak kong vialte RFA sinah a chim. NUG cozah nihcun tlangcung hriamtlai he lungrual taktak in hmunkhat ah dohnak D-Day kan nei lai.Min Aung Hlaing le a ralkap pawl kan doh hna lai tiah a chim.
Relchap: AIPA Assembly Ah Ralhrangbu An Kai Termi Cungah ASEAN An Lungtling Lo August 22 in 25 tiang Brunai ram ah tuah ding mi a voi 42 nak ASEAN Inter-Perliamentary Assembly (AIPA) tonpumhnak ah ralhrangbu cu observer in kai nak nawl an pek hna i, CRPH an i tel ve lo nak cungah CRPH an lung a tling lo.
AIPA hi ASEAN Parliament ah a sang bik mi parliament phu pakhat a si i, AIPA rotation chairman Brunai Judiciary council chairman H.E. Pehin Dato Abdul Rahman Taib nih Kawlram aiawh ding min cazin theihternak cu parlianmentary culture phung ningin thawng an kan thanh lo tiah a ti.
CRPH nih hi tonpumhnak kai dingin CRPH chairman U Aung Kyi Nyunt, Daw Myat Thidar Tun le U Sithu Maung hna cu kai dingin min an pek mi a si. Atu bantukin CRPH sin ah thawngthanhnak an tuah lo mi kongah AIPA chairman thiltuah ning le ASEAN parliament cu democracy phungning he a kalh mi, mipi aiawh nak a um lo mi kalphung pakhat a si.
Cu hleiah AIPA chairman nih mipi thim a si lo mi le, mipi ai a awh lo mi ralhrangbu palai observer ah an pom mi cu democracy phung zah lo nak le ralchiatnak nak a si. Tuah sual, palh mi a um a si ahcun rianrang in silhnalh ding le Kawlram mipi aiawh tu hna sawm an timh a si ahcun meeting kai dingin timhcia kan si tiah CRPH nih a ti.Ref; KTM
Leave a Reply