NUG Ah Acting President A Tuang Lio Mi Nih Hriamnam Le Zen-Kuan Kan Bawm Uh Tiah Ramdang Pawl Bawmh A Hal Hna

Hriamnam Le Zen-Kuan Bawmh Ding In NUG Acting President Nih Ramkip Bawmhnak A Hal

Hriamnam Le Zen-Kuan Bawmh Ding In NUG Acting President Nih Ramkip Bawmhnak A Hal

Min Aung Hlaing le a ralkap tei khawh nakding caah ramkip nih hriamnam le zen-kuan bawmh dingin NUG Acting President Duwa Lashi La nih bawmhnak a hal hna.

President Duwa Lashi La nih biatawi(Speech) a chimnak ah,” SAC ralhrang nih Jimmy, Phyo Zeyar Thaw, Hla Myo Ayng le Aung Thura Zaw an thahmi hna hi mizapi an thinlung fak seh tiah an ruah. Sihmanhsehlaw mizapi nih kan ngaihchiatnak papek loin lungṭhawnnak he hmai ah kan kal lai,” tiah July 28 zan ah a chim.

Cucaah sualnak ngei lo mi a thattu SAC ralhrang hi UN telh in ramkip nih pehtlaihnak nan chah a hau. Chawleh chawhrawlnak in siseh, an tangka luhnak in siseh, ramchung luh khawh lonak in siseh, a lam kip in nan kham dih a hau, tiah a chim.

Cu pinah nun pek in ralhrang a dotu mizapi hna hi fimthiamnak(IT) in siseh, tangka in siseh, hriamnam le zen-kuan zong bawmh ding in NUG Acting President Duwa Lashi La nih biatawi a chimnak ah a telh chih.

SAC ralhrang an tuah sernak ruangah, hi dohthlennak hi zorchuk lei si loin ṭhanchonak le teinak lam lei kan panh lai, tiah Duwa Lashi La nih a chim.

Relchap>>>>>Hrawh piak le sungh a simi ro thilri cazin kan pe uh tiah Save the Heritage phu nih nawlnak a thanh
2022 July 29 – Hriamtlaih buainak ruangah sungh a simi hlan lio ro thilri pawl khawmhsuat kan duh caah kan pawngkam le internet cungah kan hmuhmi hlan ro thil pawl sungh le hrawh piak a sinak thawngpang kan pe hram uh tiah Save the Heritage phu nih nawlnak a tuah.

Save the Heritage phu cu hriamtlaih buainak ruangah nunphung ro thil hna a tlaunak hnga lo ti khawhnak lam in a cawlcangmi hlan thil kong kherhhlainak le nunphung ro thil hna ṭha tein kilven a thiammi pawl fonh in Britain ram ah hram a bunhmi Non-Government phu pakhat a si.

Khawmhsuat khawhmi rothil a rawkmi cazin kha mipi sinah ṭha tein langhter ṭhan a si lai tiah Save the Heritage phu nih a thanh.
Rothil hrawhpiak a sinak thawng na pek tikah
1) Hrawh piak a sinak hmun/inn
2) Khua/khuate (GPS ah sawh khawh a si ahcun)
3) Nicaan
4) A hrawktu phu
5) Hrawh piak a si daan thil sinning
6) Hmanthlak pawl Save the Heritage page chat box asilole Signal number +447729742542 asilole Telegram number +447729742542 ah kuat khawh kan si tiah bawmhhalnak a thanh.The Chinland Post

Be the first to comment

Leave a Reply

Your email address will not be published.


*